PR Lú Olo Husu Membru Governu Foun Servisu ho Responsabilidade
Naunil Media (Dili), Prezidente Repúblika (PR), Francisco Guterres ‘Lú Olo’, hateten governu atu susesu presiza memebru governu tenke servisu ho responsabilidade la’os oportunidade.
“Ita-nia povu hein buat barak husi ita-bo’ot sira ! Prezidente Repúblika enkoraja ita-bo’ot sira no liuhusi ninia kna’ar konstitusionál sei kontribui ba ita-bo’ot sira hetan susesu maibé governu nia susesu sei depende liuliu ba governu rasik. Ukun Nasaun la’ós de’it oportunidade ida, maibé responsabilidade bo’ot ida ba governu nu’udar órgaun koletivu no ba membru governu ida-idak”, Xefe Estadu Timor-Leste, Lú Olo, liu husi nia diskursu hafóin pose ba membru fóun governu konstitusionál da-ualu nain-21, iha Palásiu Prezidensiál, Bairu Pite Kuarta (24/0).
Ema númeru ida iha Estadu Timor-Leste, Lú Olo, enkoraja “Ita-bo’ot sira bele uza esperiénsia hori uluk nian hodi aplika ba situasaun ohin loron nian, atu halo governasaun ida ne’ebé sustentável no hala’o dezenvolvimentu país nian ba moris-di’ak, ba ita-nia ema liu tokon ida ne’ebé hein ho fiar ida ne’e husi ita-bo’ot sira”.
Membru governu na’in-21 ne’ebé simu ona pose husi Prezidente da Repbulika, Fransisco Guterre Lu-Olo mak, hanesan,Vise Primeiru Ministru no Ministru Planu Ordenamentu, José Maria dos Reis, Ministru Koordenadór Assuntus Ekonómikus, Joaquim Amaral, Ministru Negosius Estranjeirus, Adaljiza Albertina Xavier Reis Magno Ministru Edukasaun, Juventude no Desportu, Armindo Maia, Ministru Turismu, Komérsiu no Indústria, José Lucas do Carmo da Silva, Ministru Interior, Taur Matan Ruak, Ministru Petroleu no Minerais, Víctor da Conceição Soares.
Vise-Ministru Negosius Estranjeiru no Kooperasaun, Julião da Silva, Vise-Ministru Justisa, José Edmundo Caetano, Vise-Ministru Administrasaun Estatal, Lino de Jesus Torrezão, Vise-Ministru Saúde, Bonifacio Mau Coli dos Reis, Vise-Ministru Edukasaun Juventude no Desportu, António Guterres, Vise-Ministru Komérsiu no Indústria, Domingos Lopes Antunes, Vise Ministru Turismu Komunitária no Kulturál, Inacia da Conceição Teixeira, Vise-Ministru Agrikultura no Peskas, Abilio Xavier de Araújo, Vise-Ministru Interior, Antonino Armindo.
Sekretáriu Estadu Fórmasaun Profisionál no Empregu, Alarico de Rosário,Sekretáriu Estadu Kooperativas, Elizario Ferreira, Sekretáriu Estadu Peskas, Elídio de Araújo, Sekretáriu Estadu Juventude no Desportu, Abrão Saldanha, Sekretáriu Estadu Protesaun Sivil, Joaquim José Gusmão dos Reis Martins. Dms
