Tais Sei Reprejenta Patrimóniu Kulturál TL Iha Fransa
Naunil Media (Díli), Diretór Jerál Arte no Kultura, Manuel Ximenes Smith, hateten tempu badak sei rejista Tais hodi reprezenta patrimóniu kultutal Timor-Leste (TL) nian iha sidade París Fransa.
Manuel Ximenes Smith hato’o asuntu ne’e ba Naunil Media iha knaar fatin edifisiu Sekretaria Estadu Arte no Kultura (SEAK) Praia dos Coqueiros, Segunda (09/03).
“Ekipa traballu husi SEAK durante ne’e hala’o ona peskiza ba Tais Timór laran tomak, nune’e sei la halo diferensia maibe foti Tais tuir étniku linguístika tanba lian kemak diferensia tais ho bunak, tais bunak diferensia ho tais fataluku; ezemplu iha munisípiu Lautem, tais husi komunidade ho diáletu fataluku diferensia dook ho tais postu admistrativu Iliomar (makalero). Nune’e ita sei foti imajen tais sanulu hodi sai identidade Timór nian iha Organização Científica e Cultural Educacional Das Nações Unidas (UNESCO) Paris”, aprofunda Smith.
Diretór Jerál ne’e hatutan, esforsu ida ne’e mai husi ekipa traballu konjuta entre liñaministérial no parseiru dezenvolvimentu sira mak, SEAK rasik, Ministériu Komersiu Turizmu no Indústria, Sekreteriu Estadu ba Igualidade no Inklusaun, parseiru Organização Científica e Cultural Educacional das Nações Unidas (UNESCO), Fundasaun Alola, Antena Office no Turizmu Forum.
“Ekipa traballu mos antes ne’e iha Dezembru 2019 realiza ona semináriu ida, iha ne’ebe partisipa husi admistradór munisípiu sira, xefe suku lia nain no soru tais nain sira, hodi fahe no haklean kuiñesimentu kona-bá partisipativu hodi kontribui ba komisaun, atu hili tais sira ne’e, tinan ne’e atu aprezenta iha Fransa.
Diretór Jerál ne’e dehan, tuir planu semana oin SEAK ho UNESCO (Organização Científica e Cultural Educacional Das Nações Unidas) sei asina nota de intendementu hodi haruka tais Timor-Leste hamutuk 10 ba rejista iha nasaun Fransa sai hanesan patrimóniu kultural no material Timor-Leste nian. Uar
