Embaixador RI Rejeita Informasaun Rezultadu Teste PCR Iha TL Lavale Iha Indonézia
Naunil Media (Díli), Vise-Ministru Interior (VMI), Antonio Armindo, Informa ohin simu vizita embaixador Indonézia foun iha Timór-Leste Okto Dorinus Manik ho komitiva bá esforsu no hanoin di’ak bá servisu prevensaun hasoru Covid-19 iha Lina fronteira.
“Ohin ami kontente tebes bele halo vizita honoradu ida-ne’e hodi mai hasoru Vise-Ministru Antonio Armindo, no ko’alia mós asuntu balu ne’ebé iha ligasaun ho desizaun ba prevensaun Covid-19 nian, Ho nune’e atu labele iha dezentendementu hodi labele mosu persepsaun ne’ebé lalos kona-ba desijaun ne’ebé fó sai ona”, dehan embaizadór Indonézia foun iha Timór-Leste Okto Dorinus Manik hafoin enkontru Vise-Ministru Interiór (VMI), Antonio Armindo iha Edifisiu Ministeiru Interior Vila-Verde, kinta (03/02).
Nia hatutan, Agora daudaun liña fronteira iha kontrolu rigorozu tebes no ida-ne’e akontese iha nasaun seluk inklui mós iha fronteira Timór-Leste ho Indonézia, agora dau-daun desijaun ne’ebé hasai iha fulan ida nia laran bele iha mudansa lalais iha loron rua ka tolu nia laran.
“Hanesan ita hatene antes ne’e kuarentena obrigatoriu tenke loron 14, hafoin tun ba loron 7 no iha loron rua kotuk ba tun ba loron lima deit ona no posibilidade aban mós bele iha mudansa fali”, katak nia.
Diplomata Indonézia ne’e mós rejeita informasaun kona-ba rezultadu teste PCR (polymerase chain reaction) ne’ebé espalla iha públiku katak la vale iha Indonézia.
“Antes ne’e mosu isu ida kona-bá teste PCR ne’ebé uza hodi deteta no halo diagnostika ba Covid-19, husi Timór-Leste ne’e katak la vale ka la rekuñese iha Indonézia, ida-ne’e ha’u atu hateten katak informasaun ne’e laloos”, nia informa.
Embaixador Okto akresenta, Isu ne’ebé daudaun mosu ne’e halai liubá Covid-19, no ida-nee nasaun hotu hetan nia impaktu no sei servisu hamutuk mobiliza esforsu tomak hodi normaliza fronteira.
Ita hatene agora daudaun kazu Covid-19 komesa sae makas, nune’e ami iha esperansa katak wainhira virus Omicron ne’e tun no laiha ona ita bele halo fasil liután movimentu hodi noramaliza fali fronteira, tanba ne’e ami halo diskusaun ne’e hodi fahe informasaun ba malu entre Guvernu Timór-Leste no Governu Indonézia, hakotu lia .Ana
