COVID-19 : CIGC Simu Apoiu Ekipamentu Prevensaun Hosi EUA
Nauil Media (Díli), Segunda (08/06) ne’e, iha Centro de Convenções de Díli (CCD), Sentru Integradu Jestaun Krize (CIGC-Sigla Português) simu apoiu ekipamentu prevensaun COVID-19 nian hosi Estadus Unidus Amerika (EUA).
Apoiu ekipamentu sira mak dezifentante konsentradu liu litru 1.500 no material limpeza hanesan luvas, maskra no seluk tan, ne’ebe CIGC atu fahe ba Sentru Saúde no eskola sira atu prevene transmisaun virus global Corona Virus.
EUA ofere mos matéria formasaun hodi konverte dezifentante konsentradu lirtu 1.500 sai líqudo limpeza liu litru 750.000 hodi utiliza.
Embaixadora EUA, Katlhen Fitrzpatrick, EUA parseria ho governu sira iha mundu tomak atu hapara propagasaun COVID-19, tanba ne’e garantia katak ho formnesementu ekipamentu ne’e sei tulun governu Timor-Leste atu halo prevensaun no kombate transmisaun COVID-19.
“Projetu ida ne’e finansia hosi komandu militar Indo-Pasífiku EUA ho orsamentu apoiu ba COVID-19 U$ 125.000. Projetu ne’e parte ida hosi total apoiu milaun U$ 1.6 hosi EUA oferese mai governu Timor-Leste hodi luta hasoru COVID-19”, esplika feto diplomata ne’e.
Katlhen Fitrzpatrick, esplika liu-tan “Governu EUA investe ona besik milaun U$ 70 ba asistensia saúde iha Timor-Leste.
Iha fatin hanesan Brigadeiru Jenerál, João Miranda ‘Aluc Descartes’ ne’ebe reprezenta CIGC no governu Timor-Leste hodi agradese ba EUA mak fó ekipamentu prevensaun COVID-19.
“Lori Estadu no povu Timor-Leste nia naran hakarak agradese ba Estadus Unidus Amerika ninia tulun. Ami fiar katak servisu hamutuk ida ne’e bele kombate COVID-9 iha Timor-Leste”. Dehan Brigadeiru Jenerál, Aluc. Flo/ Dms
