Aldeia Tolu Iha Maubara Liquiçá Nia Lista Asesu Subsídiu U$100.00 Komplikadu

Fahe Tutan

Naunil Media (Liquiçá), Administradór Postu Administrativu Maubara, Domingos Alves Coreia, informa aldeia tolu hosi Suku Gugleur hanesan aldeia Dair, aldeia Lauvou, aldeia Pukelete laiha lista atu asesu ba direitu subsídiu uma-kain U$100.00, tanba failla iha sistema dadús nian.     

“Númeru família los maibé ema ida naran mosu fali rua, ne’e sistema mak sala no halo konfuzaun bo’ot. Ami informa kedas ba administradór munisípiu Liquiçá, hodi haree ba aldeia iha suku Gugleur ne’e”, Administradór Postu Maubara, Domingos Alves Coreia, ba Naunil Media iha knaar fatin Postu Maubara,  Segunda (08/06).

Administradór Postu Administrativu Maubara, Domingos, releta xefe sira hosi Postu refere antes ne’e rekolla no submete ona dadus uma-kain 11.011 ba servisu administrasaun munisípiu maibe, ikus mai aprova no taka sai deit uma-kain 1.107, nune’e aldeia tolu lista laiha.

Iha fatin ne’ebe lahanesan, Xefe Suku Gugleur, Guido Ramos Ribeiro, informa núdar autoridade suku nian, antes ne’e rekoilla ona dadus kompletu uma-kain ninian no entrega ona ba postu administrativu Maubara.

“Hau, rekolla no haruka ona ba postu administrativu Maubara, dadus mai fali husi nasionál iha adeia tolu mak naran laiha, aldeia Dair, aldeia Lauvou, aldeia Pukelete”, informa Xefe Suku Gugleur, Guido Ramos Ribeiro.

Xefe Suku ne’e dehan, “Ha’u rekomenda ona ba administradór  postu nune’e bele konfirma fila fali ba nasionál no ha’u husu nafatin ba komunidade hotu atu koopera nafatin nune’e ita bele hetan solusaun”. Lop

Leave a Reply

Your email address will not be published.