COVID-19 : Teste Konfirmasaun Suspeitu Ida Iha Suai Negativu

Fahe Tutan

Naunil Media (Díli), Liuhosi Sala Situasaun, Porta voz Sentru Integradu Jestaun Krize (CIGC-Sigla Português, dra. Odete Da Silva Viegas, informa kazu suspeitu nain ida COVID-19 ne’ebé rejista iha hospital referal Kovalima ne’e, rezultadu teste konfirmasaun laboratóriu negativu.

Porta voz CIGC, dra. Odete Da Silva Viegas, ba jornalista sira liuhosi komunikadu impresa iha Centro de Convenções de Díli (CCD), Segunda (08/06).

“Kasu COVID-19 ida ne’ebé rejista iha Ospital Referal iha Suai Domingu loraik (0706). Suspeitu ne’e mosu sintomas isin manas ho temperature 39,  mear kakorok moras, pasiente ne’e atende hosi ekipa médika no admite ba fatin isolamentu  hafoin ekipa laboratóriu foti amostra no transporta mai Díli hodi halo teste no nia rezultadu negativu”,  esplika Porta voz, dra. Odete.  

Porta voz  CIGC ne’e esplika liu-tan, pasiente ne’e  kontaktu ba nia fen  no ema seluk  hamutuk nain 20,  ema hirak ne’e ekipa sira hahú foti ona amostra no hodi halo sintenela surveillance atu bele hatene iha transmisaun lokál iha ka la’e.

“Ema hirak ne’ebé mak halo kontaktu ho suspeitu agora iha hela auto karantina hodi hein rezultadu teste laboratóiu. Kona-ba suspeitu ida ne’e vida hanesan negosiante ne’ebé halo servisu iha Mota-Masin, simu sasan hosi kareta no halo kontaktu ho ema Indonézia sira ne’ebé lori sasan hosi Indonezia mai Timor-Leste”. dehan, dra. Odete. Dms/Flo

Leave a Reply

Your email address will not be published.