Governu Apoiu Rihun $100 Ba Programa DSMPPT

Naunil Média (Díli), Governu liuhusi Gabinete Apoiu Sosiedade Sivíl, Gabinete Primeiru Ministru (PM), Jestór Subvensaun Públika, Albertino Doutel Sarmento hatete, governu apoiu orsamentu rihun-atusida (US$100,000.00),  Ba programa Dewan Solidaritas Mahasiswa Pemuda Pelajar Timor-Timur (DSMPPTT).

“Ba tinan ida ne’e GASC apoiu orsamentu rihun atus ida ba organizasaun rezisténsia Dewan Solidaridade Mahasiswa ba atividade ka programa lubun ida ne’ebé mensiona iha planu”, Dehan Gabinete Apoiu Sosiedade Sivíl, Gabinete Primeiru Ministru (PM), Jestór Subvensaun Públika, Albertino Doutel Sarmento ba jornalista iha seremónia lansamentu Kooperativa Solidaridade iha Kampung Alor, sexta (25/06).

Apoiu ne’e atu haforsa instituisaun rekonsialiasaun membru nomós programa advokasia, peskiza no haforsa ekonomia ba grupu sira.

 “Orsamentu ne’e ami sei fahe ba primeira faze pursentu 40 no segundu faze pursentu 60 maibé ba dadaun ne’e ami foin transferensia pursentu 40, tama ona ba konta organizasaun Dewan Solidaridade nian.”tenik nia.

Iha fatin hanesan Prezidente Dewan Solidaritas, José da Costa Magno hatete, kooperativa ida ne’e hari’i ho inisiativa konsikuénsia kontinuasaun husi lansamentu kooperativa solidaridade iha fulan-setembru tinan 2019.

“Ohin ita halo lansmaentu fundu rotativa kooperativa solidaridade no ita iha grupu haat ne’ebé mak sai hanesan benefisiáriu fundu transferénsia públika, ne’ebé mak husi Gabinete Primeiru Ministru oferese ba Dewan Solidaritas.”Haktuir José da Costa

Nia esplika grupu haat ne’ebé pertense ba Dewan Solidaritas mak Feto Foinsa’e, Grupu Eskola Tingi Ekonomi (ETI), Dewan Mini Ainaru no Dewan Mini Manatuto.

Ikus liu nia hateten, Tuir regra kooperativa nian mínimu ema na’in-15 kada grupu maibé dadaun ne’e iha ida-idak nia grupu balun 15, balun 20 no númeru sira ne’e sei aumenta tuir grupu nia nesesidade oinsá sira-nia influénsia iha públiku, Latu