PM Taur-Sua Eminensia Don Virgilio Kardeal lansa Viveiru Peixe
Naunil Media (Dili), Primeiru-Ministru (PM) Taur Matan Ruak, ohin sesta (17/03) sente kontente hamutuk ho Sua Eminensia Dom Virgílio Kardeál do Carmo da silva Lansa Viveiro de Peixe (Fish Hatchery) iha Hera, hosi Empreza Keshavarsz Great Timor Unipessoal Lda ne’e iha mudansa signifikantes tebes iha área produktividade animal ninian hanesan hakiak bibi, manu, ikan, manu rade, karau no seluk tan.
“Ha’u kontente los partisipa iha serimónia ida ne’e, hanesan Sua Eminensia ohin dehan nia koñese 2019, ha’u 2021, i ha’u agora mai dala haat ona, ha’u empresionadu tal maneira projektu ida ne’e evolui, fofoun ha’u mai kikoan iha ne’ebá, mai tan aumenta ohin ha’u empresionadu loos ba nia dezenvolvimentu, ne’e primeiru hatudu katak senór ne’e iha vokasaun gosta serbisu ne’e nia halo, segundu iha parseiru sira, ne’ebé kontribui hakat iha tempu ida badak i entaun ha’u hakarak enome pesoal i nome Governu agradese parseiru dezenvolvimentu sira hotu nia kontribuisaun ne’ebé partilla ho Ministériu Agrikultura”. Dehan PM ba jornalista iha hera
Xefe ezekutivu ne’e hateten, modelu ida ne’e modelu Parseria Públiku Privadu iha fatin seluk nasaun seluk nia la susesu maibé iha Timor hare’e katak nia progresaun di’ak bele iha futuru fó rezultadu di’ak ba dezenvolvimentu Timor nian ne’e hahú husi portu Tibar, nune’e Governu komprometidu para promove ajuda modelu ida bele hametin tan halo espansaun ba área sira seluk”, dehan Primeiru-Ministru iha Intervensaun.
Enkuantu Xefe Governu informa, daudaun iha Timor-Leste mak problema hahan animal nian maibé dezafia Ministériu Agrikultura no Peskas para serbisu ho parseiru sira buka solusaun tanba projetu sira hanesan ne’e nia sustentabilidade ba tempu naruk.
“Problema boot ida iha projetu ida ne’e no projetu sira seluk realmente hahan animal no ikan sira nian, ha’u hakiak animal nune’e ha’u hateten hahan laiha, animal mate hotu, ha’u sei Prezidente iha fahi 101, kada vez ké hahoris 60 to’o 70 hahan laiha mate hotu, agora ha’u hakiak bibi 70 resin hahan laiha ha’u evakua tiha ba Metinaru, portantu hahan ne’e problema ida, ha’u dezafia Ministériu Agrikultura serbisu ho ita-nia parseiru sira para hetan solusaun ba problema ida ne’e, natuaralmente sé ita hakarak reforsa ita-nia projektu sira ne’e iha problema naturalmente problema sira ne’e kritiku ne’e ita tenke rezolve, sei ita la rezolve bele kompromete nia sustentabilidade iha tempu naruk tanba ne’e ha’u hakarak fó parabéns ba ekipa tomak”.
Xefe Governu mós hato’o agradese ba enkaregadu Negósiu Estadu Unidus Amerika, Sr. Tom Daley, Embaixadór Nova Zelándia nian mai Timor-Leste Sr. Philip Hewitt, Embaixadór Tailándia, Sr. Ekapol Poolpipat no parseiru dezenvolvimentu sira hotu prezensa.
Iha serimónia ne’e marka prezensa mós husi Sua Eminensia Dom Virgílio Kardeál do Carmo da Silva, Ministru Koordenadór Asuntus Ekonómikus, Joaquim Amaral, Embaixadór sira no Diretór Jerál Peskas Ministériu Agrikultura, Trade Invest, Diretór SERVE, Reitór Universidade Oriental Timor Lorosa’e (UNITAL), estudante inklui komunidade sira. LTS
