Hafoin Deklara Kandidatura, Organizasaun Lubuk Ida Apoia “Lere” Ba PR
Naunil Média (Díli), Munisípiu Ainaro sai sasin no liu hosi Média Eletronika habelar ona deklarasaun Ofisiál, Tenente Jenerál reformadu, Lere Anan Timur, ba públiku katak prontu servisu dala ida tan, povu no nasaun doben Timor-Leste.
Deklarasaun Ofisiál Tenente Jenerál, Lere Anan Timur: ” Ohin iha Foho Ramelu ho Kablaki nia klaran rai huras Ainaro, iha imi hotu nia oin hau ata lori veteranus ho Povu buibere maubere tomak, Nasionalista no patriotista tomak, Martires sira nia naran, hosi Saúdozu, Nicolau dos Reis Lobato, Venancio Feras, Lekas, Nino Konis Santana, ” Hau deklara hau nia kandidatura ba Prezidente da Repúblika, Hau prontu atu servi povu ho nasaun Timor-Leste dala ida tan.”
Nune’e iha Serimonia deklarasaun ofisiál, Tenente Jenerál Lere Anan Timur, Iha Munisípiu Ainaro. Iha Movimentu no Organizasaun lubuk ida apoia nia kandidatutara kompostu hosi, Organizasaun Santo Antonio, Haburas, Fuan Domin, Sagrada Familia, Movimentu Maubere Oan, Inklui Partidu Unidade Demokratiku (PUD).
Prezidente Santo Antonio Timor-Leste (TL), Ananias dos Carmo Fuka ho kodigu “Okta Sola,” Husu ba Membru Oraginizasaun Santo Antonio iha Teritoriu Timor laran tomak Vota no Hili, Tenente Jenerál Lere Anan Timur.
” Husu membru no estrutura hot-hotu iha Timor laran katak iha loron (19/03), vota ba ita nia aman Lere Anan Timur.” Dehan Prezidente Santo Antonio TL, Anannias Fuka, Iha diskursu, ofisiál delarasaun Tenente Jenerál reformadu Lere Anan Timur, Iha Munisípiu Ainaro, Sabdu, (05/02).
Santo Antonio TL liu hosi kordenadór ho estrutura tomak iha Munisípiu 12 inklui Reziaun Administrativa Espesiál Oe-Cusse Ambeno, foti ona desizaun fó apoia ba Tenente Jenerál reformadu, Lere Anan Timur sen rezerva.
Ho razaun organizasaun Santo Antonio TL apoia Lere Anan Timur ba Prezidente Repúblika, Tanba komadante funu nain povu nia aman no nasaun iha tempu rezistensia to’o ohin loron.
Nia haktuir, Lider ida ne’ebé determinadu desedidu ho nia prinsipiu rasik hosi lideransa ho nia natureza rasik nu’udar lider Força Armada libertasaun nasionál ba povu maubere iha okupasaun.
Lere mós lideransa antigu hosi Comite Centrál Fretilin (CCF), nune’e mós komadante sub-Xefe Falintil iha ai-laran halo funu hasoru invazor Indonesia nune’e masa Santonio deside apoia Lere Anan Timur ba PR.
Iha sorin seluk, Reprezentante Sagrada Familia, Paulino Gama “L7” Mós afirma, Apoia Tenente Jenerál reformadu, Lere Anan Timur ba Prezidente da Republiku tinan lima mai hodi taka ona odamatan ba jerasaun tuan no entrega ba jerasaun foun. Latu
