UDT Laiha Kandidatu PR Militantes Sei Vota Tuir Konsiensia
Naunil Media (Díli), Sekretáriu Jerál Partidu Uniaun Demokrátiku Timorense(UDT) Francisco David Carlos informa, UDT sei la iha Kadidatus Prezidenti Repúblika ba Eleisaun Presidensiál no sei vota tuir membru sira nia konsiensia.
“Sai Presidenti Simbolu ba nasaun ida tenke presidenti kualidade kandidatu husi UDT nian, ba presidenti la iha bainhira kongrsu ne’e hotu ami sei foti desizaun, sei vota tuir konsiesnsia, tanba ita respeitu valor demokrátiku ne’e ita fó liberdade ba ita nia ema atu hili tuir sira nia hakarak”, Dehan SekJer UDT ba jornalista iha Edifisiu Comisaun Nasional Eleisaun(CNE) Colmera, sabadu (05/02).
Nia hatutan, Objetivu ohin kongresu ne’e, tuir estatutu UDT nian katak, kada tinan lima halo kongresu no mós hadia sira nia estrutura, tanba realiza estrutura ne’e atu hametin nafatin no hodi UDT ba futuru atu prepara ba eleisaun parlamentar iha tinan 2023.
Ho nune’e sira disolve ona estrutura anterior despois de diskusaun no halo revizaun estatutu ne’e, hein ba eleisaun atu hili estrutura foun ho esperansa ida katak estrutura ida forte kompletu hodi halao servisu partidu nian ba 2023 hasoru eleisaun parlamentar, dehan nia.
Entretantu Partisipante Kongresista UDT nian husi munisipiu 12 inklui RAEOA no SekJer UDT pose liu ba jersaun foun, tanba UDT iha ona hanoin katak kadernijasaun tenke troka no halo ona transferee jerasional. Ana
