FEATUREDIkus LiuNewsSaude

RAEOA Apoia Kareta Ida Ba CIGC Kombate COVID-19

Fahe Tutan

Naunil Media (Díli), Segunda (04/05) ne’e, Prezidente Autoridade Rejiaun Admistrativa Espesiál Oe-Cusse Ambeno (RAEOA), Jose Luis Guterres ‘Lugu’ ofisialmente entrega kareta box ida ho modelu klínika movel ba Sentru Integradu Jestaun Krize (CIGC-Sigla Portugs) nasionál hodi kombate COVID-19 iha rai-laran.

Apoiu refere fó bazeia ba pedidu husi Primeiru Ministru Taur Matan Ruak hodi haforsa diak liu-tan servisu CIGC nian.

Prezidenti Autoridade Rejiaun Admistrativa Espesiál Oe-Cusse Ambeno, José Luís Guterres ‘LUGU’  ba jornalista sira hafoin entrega kareta ba CIGC iha Centro de Convenções de Díli (CCD), Segunda (04/05).

“ami mai ho ekipa, prezidente komisaun, sentru integradu jestaun krize, dr. Nelson Martins, diretur rejionál Ministériu Saúde nian, enfermeiru Luís Neno, nomós hau nia Gabineti, Agus Kaet. Mai hanesan kompri pedidu ida hosi Primeiru Ministru Taur Matan Ruak ne’ebé  husu apoiu ba ami iha kareta rua, fó  ida  ba CIGC nasionál  hodi kombate epidemia iha ita nia rai bo’ot (Díli) ida ne’e. Ami laran ksolok hatudu solidariedade povu Oe-Cusse Ambeno ba povu rai doben Timor-Leste”, informa José Luís ‘LUGU’.

Eis Ministru Negosius Estranjeirus no Koperasaun, ne’e hato’o agradese ba Sentru Integradu Jestun Krize iha Díli, tanba sira nia esforsu suspeitu COVID-19 iha rai-laran komesa redúz.

Iha fatin hanesan Kordenador Destakamentu Reasaun Rapida, Sentru Integradu Jestaun Krize, Aurelio Guterres, hateten apoiu ne’ebé RAEOA fó ba CIGC nasionál ne’e pedidu husi primeiru ministru atu fo apoiu ba CIGC nia servisu liliu iha Sentru Saúde sira no fatin izolamentu Vera Cruz bainhira mosu situasaun grave konaba COVID-19 nian.

“Sentru integradu jestaun krize ami simu fasilidade klínika movel ida, husi prezidente RAEOA rasik mak entrega mai ami, atravez pedidu hosi Primeiru Ministru nian, katak fasilidade ne’e sei ajuda CIGC liu-liu klínika sira ne’ebé iha Díli enpartikular Vera Cruz no sira seluk tan. Para  halo servisu hodi kombate COVID-19 iha ita-nia rai laran. Kareta ne’e sei entrega permanente hodi hala’o servisu iha nee, nune’e ekipa tekniku sira hosi RAEOA sei fó ajuda oinsa halo operasionál hodi halo servisu ho diak inklui motorista”, dehan Aurelio.

Kareta Klínika Movel ne’ebé entrega hosi Prezidenti RAEOA, kompleta ho fasilidade hanesan Jeradór, Meza, Kadeira, Kuartu Rua, Eskada Rua no AC (Air Conditioner) iha kareta laran. Uar

Leave a Reply

Your email address will not be published. Required fields are marked *