Família Kbi’it Laek 449 Hetan Apoiu Nesesidade Báziku Hosi Asosiasaun Kolping

Fahe Tutan

Naunil Media (Lautém), Segunda (08/06) ne’e, Asosiasaun Legus Adolf Kolping Dioseze Baucau ne’ebe lokaliza iha Munisípiu Lautém, hala’o asaun karidade hodi fó apoiu nesesidade báziku ba família kbi’ik la’ek hamutuk 449 iha munisípiu Lautém.

“Intensaun ba asaun karidade ne’e, atu responde ba situasaun COVID-19 ne’ebé afeita mai iha Timor-Leste. Tulun ne’e ba família Kolping ne’ebé involve ona iha asosiaun ne’e, hanesan membru permanente, tanba asosiasaun ne’e nu’udar  organizasaun Igereja nian ne’ebé hari’i atu servisu ba sarani sira iha dioseze Baucau”, Kordenadór  Asosiasaun Kolping, Izác da Costa Moreira, ba jornalista sira hafoin entrega nesesidade báziku.

Izac relata,  totál família uma-kain ne’ebé hetan nesesidae bázika hamutuk 449, husi parókia tolu mak hanesan parókia Lospalos uma-kain hamutuk  247, parókia Cristu Rei Lautem hamutuk 115, parókia Tutuala  família uma-kain 59. Apoiu báziku ne’ebé assosiasaun Kolping oferese mak hanesan foos saka hamutuk 15, mina bimoli no ekipamentu prevensaun Covid-19 hanesan maskra.

Sorin seluk benifisiáriu, Ersila Monterio, agradese ba assosiasaun Kolping Lospalos ne’ebé fó ona apoiu refere.

“Ha’u sei kontinua reza ba Adolf Kolping hodi kontinua fó tulun, tanba ami suku Soru dezde estadu emerjénsia foin simu apoiu nesesidade báziku dala ida” dehan Ersila Monteiro. Latu

Leave a Reply

Your email address will not be published.