UNTL Sei Kontinua Suspende Atividade Akádemiku
Naunil Media (Díli), Relasiona ho Estensaun Estadu emerjensia ba dala sanulu- resin haat nomos konfinamentu obrigatoriu hodi kontinua suspende atividade ezensial balun hanesan atividade prezensial akadémiku inklui atividade sira seluk.
Nune’e Universidade Nasionál Timor Lorosa’e (UNTL) kontinua suspende nia atividade prezensial akadémiku nian.
Tuir komunikadu ne’e media Online Naunil Asesu katak, suspensaun ne’e akontese bazea ba dekretu governu nian ne’ebé mak sei kontinua Mantein regras serka sanitaria no estadu de emerjensia.
” Haktuir medida hotu ne’e foti ona iha ambitu serka sanitaria no konfinamentu obrigatoriu, iha munisipiu Dili, relasiona ho pandemia covid-19. Liu husi biban ida ne’e nu’udar Reitór UNTL, hakarak komunika ba sivitas akadémika tomak kona-ba atividade prezensial Universidade nian UNTL kontinua suspende atividade akadémiku prezensial to bainhira,iha fali desizaun husi governu,” deklara Retor UNTL João Soares Martins liu hosi Komunikadu Imprensa ne’ebé fó sai iha segunda (31/05).
Iha Komunikadu ne’e mos deklara, maske atividade prezensial kontinua suspende, maibé serbisu administrasaun kontinua lao, maibé tenki kumpri regras prevensaun sira.
“Bainhira Mai kampus UNTL, obrigatoriu, tenki uza maskara, taka ibun no inus, hadook-a’an husi ema seluk metru ida, nomós fase liman ka desnifeta liman molok tama ba fatin,” dehan iha komunika ne’ebé ho nú ref.006/UNTL/R/V/2021.
Tuir dadus dadaun ne’e Timor Leste rejista kazu ativu covid-19 2626. Kumultivu husi fulan marsu to mai agora hamutuk 6994 rekopera 119, mate 15.***
