FRETILIN Viabiliza Governu Da-Ualu, Mandatu PM Taur Sei Metin To’o 2023
Naunil Media (Díli), Xefe bankada Frente Revolusionáriu Timorense Independente (FRETILIN), Francisco Miranda Branco, hateten FRETILIN viabiliza Governu konstitusional a-ualu, tanba atu kompleta Primeiru Ministru (PM) Taur Matan Ruak ninia mandatu to’o 2023.
“Uluk ami viabiliza kintu Governu konstitusionál, ami nu’udar opozisaun iha altura ne’eba ami vota programa Governu nian, maibé depois kuandu ami haree katak Governu atu monu, ami (FRETILIN) viabiliza hanesan mos agora”, hateten Xefe bankada FRETLIN, Francisco Branco, iha parlamentu nasional, Segunda (08/06).
Xefe bankada ne’e hateten liu-tan, FRETILIN viabiliza Governu konstituisionál da-ualu ne’ebé lidera hosi Primeiru Ministru Taur Matan Ruak hodi bele kompleta nia mandatu to’o 2023.
“Ida ne’e mak dalan di’ak liu ba ami viabiliza oitavu guvernu ne’ebé lidera hosi Primeiru Ministru Taur Matan Ruak, hodi bele kompleta nia mandatu bele to’o 2023”, tenik xefe bankada Fretilin Francisco Branco.
Iha fatin hanesan, vise xefe bankada CNRT, Patriocino Fernandes, hateten lia fuan viabiliza ne’e iha kontekstu polítika FRETILIN nian, maibe fiar katak ho viabiliza ida ne’e lori estadu ba oin.
“Viabiliza kontekstu ba partidu Fretilin nian mak ida ne’e, viabiliza mak ho kargu Prezidente Parlamentu, vise Primeiru Ministru no Minstru pasta inportante sira, diak ne’e hanesan parte ida edukasaun ba jerasaun foun sira. Ita hare took estadu ba oin nee bele hadia diak liu tan. Naun medigas 23 kadeira ba subordena ba 8 kadiras no 5 kadeiras ne’e, mesmu kee Fretilin mai tonka mais hau la fiar tonka ida 23 mai tonka fali kadeira 8 no 5 nee rasionál. Uar
