28 Janeiru To’o 6 Fevereiru 2021, PNTL Rejista Kazu Insidente 56
Naunil Media (Díli), Porta-voz Komandu Jerál PNTL, Superitendente Xefe Arnaldo de Araújo, informa hahu husi loron 28 Janeiru to’o 6 Fevereiru rejista kazu insidente ne’ebé akontese iha teritóriu Timor hamutuk 56.
“Insidente hamutuk 56, Asaltu malu 27, taa malu 4, violensia domentika 15, tuda malu lima, dezantre naturais tolu, ahi han uma ida iha Aileu, omesidu ida, entre kazu hirak ne’e asaltu malu entre grupu ho grupu mak barak liu akontese iha teritóriu Timor-Leste”, Porta-voz PNTL, Superintendente Arnaldo de Araújo, ba jornalista sira liu husi prekonferensia iha salaun PNTL Komandu Jerál, Kaikoli, Segunda (08/02).
Porta voz ne’e akresenta, kazu omesidu ne’e akontese iha loron 22 fulan Janeiru 2021 iha Bairo Sikara, Aldeia Ira Onu, Suku Com, postu administrativu Lautém, munisipiu Lautém laen oho nia feen, depois polisia atende kazu refere, no tuir deklarasaun katak nia feen ne’e oho án, depois polísia dezenvolve investigasaun ne’e hatudu katak vítima ne’e laos oho an, maibé oho husi nia laen.
“Agora suspeitu hetan ona prizaun preventivu depois lori ona ba Ministeriu Públiku hodi halo prosesu tuir mai, vítima inisial RM idade tinan 40, maibe hafoin testamuñia husi nia oan sira katak nia aman mak halo torturasaun ikus mai nia-inan mate”, Dehan porta-voz ne’e. Nel
