Seidauk Serteza Ba Traballadór Timor Oan Iha Australia no Korea-Sul Fila Mai TL
Naunil Media (Díli), Sekreteráriu Estadu Formasaun Profisionál Empregu (SEFOPE), Julião da Silva, hateten seidauk iha serteza ba traballadór Timor oan iha Australia no Korea Sul atu fila mai Timor-Leste (TL) tanba Aeroportu nasaun Indonezia no Singapura seidauk loke.
“Koreia la problema, hein bainhira aeroportu Indonézia, Singapura loke ona flaight aeroportu halo transit ona bele, sei ita haruka direita husi koreia mak mai ne’e problema uitoan, tanba ita nia aeroportu ki’ik, ema nia aviaun bo’ot mai tun iha ne’ebe, ne’e mak haree lai,”, SEFOPE, Julião da Silva, ba jornalista sira iha salaun FONGTIL, Kaikoli, Tersa (16/06/2020).
Governante ne’e informa liu-tan “Karta haruka ona ba nasaun Indonézia no Singapura iha loron 11 fulan Maiu to’o oras ne’e sedauk hetan resposta husi governu indonezia nune’e. Trabalaladór sira seidauk bele mai iha fulan ne’e ou fulan oin,depende ba ema loke Aeroportu ona mak bele mai Timor-Leste”.
Membru governu konstitusionál da-ualu ne’e, informa lolos ne’e haruka tan traballadór rihun 30, maibe knselea tiha tanba COVID-19.
“Ita nia traballadór sira oras ne’e hein deit, sei aeroportu loke ona no mundu deklara katak zero COVID bele ona haruka sira ba”, tenik Nia.
“Iha nasaun Australia empregadór balun nia aifuan dodok hotu, tanba laiha traballadór, nune’e timoroan hirak iha ne’eba balun kontinua servisu maske kontratu remata ona”. Dehan Nia. Ana
