PN Hahú Sesaun Lejislativa Ba Da-Haat
Naunil Media (Dili), Parlamentu Nasionál (PN), ohin hahú sermónia ba sesaun lejislativa da-haat iha lejislatura da-lima nia iha plenária.
Tanba tuir ajenda nú. 288/V (4a), ne’ebé fó sai husi meza Parlamentu Nasionál katak, iha prosesu abertura ne’e, Prezidente husi Vise-Prezidente Parlamentu Nasionál, Maria Angelina Lopes Sarmento hamutuk ho deputadu sira ne’ebé durante ne’e resesu hodi fila hikas ba hala’o funsionamentu normal iha sesaun lejislativa da-haat nian.
“Dau-daun Parlamentu Nasionál retoma hikas ninia kontinuidade V Lejislatura ho IV Sesaun Lejislativa husi loron 15 fulan Setembro to’o 15 fulan Jullu tinan 2022. Iha kada sesaun Lejislativa hatudu nia nível produtividade, iha nia dezafiu no nia dinámika sira oinsá hasoru no fó solusaun ba dezafiu sira.
Alénde komprimenta nia deveres konstitutionál norejimentál, Parlamentu Nasionál iha mós responsabilidade atu atualiza ba públiku, ba sidadaun sira ka ba povu tomak, nia empeñamentu no nia dezempeñu durante Sesaun Legislativa ida ne’e,“ dehan Vise-Prezidente Maria Angelina Lopes Sarmento, hafoin hala’o abertura ba sesaun lejislativa da-haat iha plenária PN, kuarta (15/09).
Maria Angelina hatutan, povu maka nain ba soberania no
poder polítiku nian, tan ne’e PN nia responsabilidade ne’e atu hato’o saida
maka halo iha sesaun legislativa ne’e.
“Tanba ne’e Povu maka na’in ba soberani no na’in ba poder polítiku iha Estadu ida ne’e tuir (artigu 1 no art.2, husi konstituisaun no (art.62, KRDTL), fó fundamentu ba Parlamentu Nasionál nia responsabilidade atu relata ba Povu saida maka nia halo no hasoru durante sesaun Lejislativa ida”,deputada akresenta.
Nia relata, enkuantu iha prosesu ne’e meza sei fó oportunidade ba deputadu sira husi bankada PUDD, FM, UDT, KHUNTO, PD, PLP, CNRT, no bankada FRETILIN hodi hato’o sira-nia liafuan ruma molok tama ba sesaun lejislativa da-haat iha lejislatura da-lima nian. Ana
