Taur: Estudante Tenke Estuda Mate Livru Leten, La’ós Atan ba Média Sosial

Naunil Média (Dili), Primeiru Ministru Taur Matan Ruak partisipa iha seremonia Boas-Vindas ba bolseiru foun sira husi bolsa hakbi’it no bolsa parsial admitidu ba tinan akademiku 2023 iha Sentru konvensões Dili (CCD) hateten ba estudante sira katak, estudadante sira estuda mate iha livru nia leten, la’ós atan ba média sosial

“Imi labele lakon imi nia tempu iha media sosial hanesan facebook no iha watshapp, tanba ida ne’e la ajuda ita, nia kompleta buat ruma maibé nia la determina imi nia futuru. Tanba ema dehan tempu ne’e osan mean no tempu ne’e moris, ne’ebé o lakon minutu ida nia liu ona no o la rekupera ona”. Dehan PM Taur Matan Ruak iha nia diskursu iha CCD, Tersa (4/4)

Tanba ne’e PM Taur Matan Ruak husu ba estudante sira aproveita tempu no konsentra ba imi nia edukasaun no formasaun.

“Ita nia vida iha faze tolu hanesan ida buka matenek, buka osan no ida seluk terseridade, ne’ebé bainhira estuda ita la aproveita oportunidade ita kompromete ida atu buka osan, maibé ida ne’e ita la uja ho di’ak mak terseira idade ita hein de’it  500 dólar tanba laiha tan ona”. Taur dehan

Nune’e PM husu mós ba Reitor no dosente sira hotu kada universidade tenki tau matan espesial ida ba estudante bolseiru sira husi bolsa hakbi’it no bolsa parsial sira tanba ita bo’ot sira mak forma sira durante hala’o sira nia estudu. LTS