Relatóriu 2019 : PDHJ Rejistu Kazu 230 Maioria Violasaun Boa Governasaun
Naunil Media (Díli), Providoria Direitos Humanus e Justiça (PDHJ), Provedora Jezuinha Maria Ferreira Gomes, informa iha tinan 2019 PDHJ rejistu kazu 230, hosi númeru ne’e kazu 99 mai hosi keixa violasaun kontra direitus humanus no 131 kazu violasaun boa governasaun.
“PDHJ mai hasoru Prezidente Parlamentu Nasionál hodi entrega relatóriu anual aktividade tinan 2019 nian, tanba tuir estatutu katak antes loron 30 fulan Juñu kada tinan PDHJ tenke hatama nia relatóriu anual ba parlamentu hodi bele halo ajeda ba diskusaun iha plenária”, hateten Provedoria PDHJ, Jezuinha Maria Ferreira Gomes, ba jornalista sira hafóin entrega relatoriu anul PDHJ nia ba PN, gabineti PPN, Kuarta (17/06).
Provedoria PDHJ, Jezuinha Maria Ferreira Gomes, esplika “Keixa kazu 230 ne’e maioria kazu liga liu ba violasaun boa governansaun ho total 131 no kazu violasaun direitus humanus iha kazu 99”.
Provedora ne’e Subliña, kazu 230 ne’e PDHJ rekomenda ona ba ministeriu relevante.
“Husi 230 keixa ne’e loke ba prosesu invenstigasaun hamutuk 102, kazu 56 ba violasaun direitus humanus, 46 ba iha violasaun boa governasaun, iha tinan 2019 PDHJ konklui relatóriu final ho rekomendasaun hamutuk 12, rekomenda ne’e ministeriu relevante mak hanesan Ministeriu Interior, PNTL, Ministériu Admistrasaun Estatal, Minstériu Edukasaun Juventude no Desportu no ministeriu sira seluk”. Dehan Nia. Uar
