Odete Apela Públiku Mantein Regras Prevensaun COVID-19 iha TL
Naunil Media (Dili), Diretora Prestasaun Saúde, Doutora Odete Viegas, apela ba públiku atu mantein medidas sanitaria kontrola moras COVID-19 iha Timor-Leste.
“Nasaun viziñu kazu COVID-19 aumenta loron ba loron to’o ema barak mak lakon vida, felizmemte iha ita-nia país ita seidauk hetan problema ne’ebé sériu hanesan ne’e”, Doutora Odete, ba jornalista sira liu husi komunikadu imprensa iha Palásiu Sinzas Kaikoli, Kuarta (02/12).
Tuir Nia, presija kongratula ba hotu-hotu nia esforsu ba Estadu, Governu, Parlamentu, Sosiedade Sivíl, Igreja, komponentes hotu no parseiru sira ne’ebé kontribui, bele detein kazu sira ne’ebé mak tama positivu maioria husi rai liur.
“Ita mós labele orgullu ba saida mak ita iha ona, ita presija vigilante atente ba ita nia án hodi prevene moras COVID-19”, tenik Nia.
Nia husu ba públiku atu taka ibun no inus bainhira mear, labele kaer matan, inus, ibun, evita ba fatin públiku no limita tempu iha espasu ne’ebé mak metin, bainhira distansia fisiku la posivel obrigatóriu atu uja maskara, no mantein distansia sosiál metru ida ka liu husi ema seluk, izola an husi ema bainhira sente moras no buka tratamentu bainhira presija. Flo
