Governu Nomeia Jaime Fernando dos Mártires Carvalho Correia ba Prezidente INTL,I.P
Naunil Media (Díli), Ministru Prezidensia Konsellu Ministrus, Fidelis Manuel Leite Magalhães infórma ohin reuniaun konsellu ministru nomeasaun Jaime Fernando dos Mártires Carvalho Correia, nu’udár Prezidente Konsellu Diretivu Imprensa Nasional Timor-Leste (INTL), I.P.
Konsellu Ministrus hala’o sorumutuk iha Palasiu Governu Dili no aprova ona projetu, Rezolusaun Governu nian ne’ebé aprezenta husi Ministru prezidensia Konsellu Ministrus, Fidelis Manuel Leite Magalhães ba nomeasaun Jaime Fernando dos Mártires Carvalho Correia, nu’udár Prezidente Konsellu Diretivu Imprensa Nasional Timor-Leste, I. P. (INTL) nian ba periodu tinan 4.
Fideliz esplika, kona-ba estensaun periodu servisu supervizaun nian husi obra sira ba melloramentu no manutensaun husi trosu estrada entre Baukau no Lautem, Maubara no Karimbala, Atabae no Mota-Ain.
“Konsellu Ministrus aprova ona projetu Dekretu Governu nian kona-ba alterasaun dahuluk ba Dekretu Governu no.14/2020, loron 23 Fulan Outubru kona-ba ezekusaun Orsamentu Jeral tinan 2020 nian”, Dehan Ministru Prezidensia Konsellu Ministru, Fidelis Manuel Leite Magalhães , ba jornalista sira iha Palásiu Governu, Kuarta (16/12). Lop
