Luis Roberto : Deskulpa ba Igreja Katólika
Naunil Media (Díli), Deputadu bankda Kmanek Haburas Unidade Nasional Timor Oan (KHUNTO) no átual segundu Vise Prezidente Parlamentu Nasionál (VPPN), Luis Roberto da Silva, husu deskulpa ba Igreja no ba sarani Katólika iha Timor-Leste (TL).
“Deskulpa ba Igreja, sarani Katólika iha teritóriu Timor laran tomak no dekulpa ba maluk deputadu/a sira. Deskulpa ba maluk Timor oan sira ne’ebé mak iha rai estranjéiru”, Deputadu bankda KHUNTO, Luis Roberto da Silva, ba jornalista liu husi nia intervensaun polítika, iha plenária Parlamentu Nasionál, Segunda (20/07).
Atual Segundu Vise Prezidente Parlamentu Nasionál, Luis Roberto da Silva, rekuiñese nu’udar sarani sala na’in, tanba ne’e husu ba amu sira atu perdua.
“Ha’u rekoñese, ba ha’u-nia intervensaun polítika ne’ebé maka ha’u rasik nu’udar vise prezidente parlamentu nasionál iha kinta legislatura ida ne’e. Iha momentu ne’e ba ha’u-nia intervensaun polítika bainhira amu sira hakarak halo polítika karik hasai batina. Ida ne’e mak kontra amu no nu’udar ema sala nain”. Tenik Luis. Uar
