Koligasaun Foun Submete Ona Karta Audensia Daruak Ba PR Lú Olo, Indizita Xanana PM
Naunil Media (Díli), Koligasaun Foun ne’ebé forma husi partidu polítiku neen (6), lidera husi Prezidente Partidu Congresu Nasional Rekonstruksaun Timorense (CNRT), Kay Rala Xanana Gusmão, Tersa (10/03) ne’e delega ona porta voz António da Conceição ‘Kalohan’hodi submete karta audensia daruak nian ba Prezidente Repúblika Francisco Guterres Lú Olo iha Palasiu Prezidensiál Nicolau Lobato Bairro Pité.
“Ohin koligasaun neebe maka lideradu husi Prezidente CNRT Kay Rala Xanana Gusamão, mai submete fali karta pedidu audensia ba Prezidente Repúblika hodi kofirma dala ida tan koligasaun foun ninia disponibilidade atu forma Governu foun”, hateten Porta Voz Antonio Conseição.
Porta voz ne’e haktuir, Koligasaun foun dadaun ne’e priexe ona rekezitus, nune’e pronto ona atu halo audensia daruak ho xefe estadu Timor-Leste (TL).
“Iha loron 6 liu ba mai hasoru malu ho exelentisimu Prezidente Repúblika hodi Aprezenta koligasaun, depois diálogo ne’ebé mak halo entre Xefe Estadu Timor-Leste ho Prezidente Koligasaun, ami fila kompleta ona rekesitus ne’ebé seidauk iha, liliu konfernsia kada partidu ida-idak nia no ami indzita Kay Rala Xanan Gusamo mak sai hanesan Primeiru Ministru”, hateten Kalohan
Partidu ne’ebé atu forma Governu foun mak hanesan CNRT, PD, KHUNTO, FRENTE MUDANSA, UDT no PUDD. Dms
