Dom Virgílio Suspende-Misa ba Públiku, tanba Díli Konfinamentu Domilisiáriu Jerál
Naunil Media (Díli), Arquidiocese Metropolitana Dom Virgílio do Carmo da Silva, Informa bazeia ba Komunikadu Imprensa Reuniaun Konsellu Ministru iha loron 12 fulan maiu 2021, kona-bá hanaruk konfinamentu Domisiliáriu Jerál iha múnisípiu Díli, ba loron sanulu resin haat (14), nune’e suspende suspende misa ba públiku iha Díli.
“Ho ida ne’e, dala ida tan, Ha’u komunika ba Pároquia, Relijiosos, Relijiosas no sarani sira hotu Suspende selebrasaun misa ba públiku no Sakramentu sira iha Vigararia iha Díli to’o loron ne’ebé konfinamentu obrigatóriu remata iha loron 27 fulan Maiu 2021, horas 23:59”, Arquidiocese Metropolitana Díli Dom Virgílio do Carmo da Silva, liu husi Komunikadu ne’ebé NAUNIL média asesu iha Sekretáriu câmara eclesiástica Arquidiocese metropolitana Díli, sabadu (15/05).
Bispu Diocese Díli Virgílio do Carmo da Silva hatutan, selebrasaun misa no sakramentu sira ba públiku lao hanesan baibain iha vigararia sira seluk iha munisípiu Alleu, Ainaro, Ermera, Oe-Cusse, no Manufahi.
Nune’e mós serimonia funebre halao tuir orientasaun husi resolusaun governu nian (Cfr. Alinea 20 do Res. N°. 45/2021). Dehan nia.
Nia deha, durante fulan Rosario (mês de maio) iha Vigararia de Díli, reza Terço halao de’it iha família ida- idak no la iha Prosesaun sira, ba vigararia sira seluk halao tuir tradisaun ne’ebé durante ne’e ita iha.
“Fó hanoin ba hotu-hotu atu kumpre nafatin medida preventiva usa maskara, fase liman ho sabaun/hand sanitizer no distansiamentu sosiál ho finalidade atu garante saúde di’ak ba ema hotu”, Tenik nia.
Ha’u hato’o obrigadu wa’in ba komprensaun no kolaborasaun Ita Inan Lalehan, Maria Virgem, sei hamutuk ho ita no hamahan ita hotu, Ha’u nia bensaun ba imi hotu, Nia hakotu. #*Jos
