Dadur Prizaun Becora Pozitivu Covid-19, MS Ho MJ Tun Direitamente

Fahe Tutan
Naunil media(Díli), Ministra Saúde Odete Maria Freitas Belo akompana ho Ministru justisa Manuel Cárceres da Costa, hodi halo observasaun ba prizaun bekora tanba dadur sira  afeta husi Covid-19.
“Mai haree direitamente ba situasaun iha ne’e, tanba iha dadur  balun ne’ebé mak ho pozitivu Covid-1, entaun obrigasaun atu mai haree no komunika ho gurda prizioneiru ho ministru justisa  atu haree sira ne’ebé mak  kaman asintomatiku maibe laiha sintomas bele tau ketak, maibe fó atensaun ba sira ne’ebé  mak  laiha sintomas,  maibe sira iha moras seluk, nune’e mós sira ne’ebé moras   ho tinan  to’o 60, asegura sira iha kondisaun ne’ebé  mak di’ak uluk”, Hateten Ministra saúde  ba Jornalista sira iha prizaun Becora, sesta  (14/05).
Ministra hatutan, husi lista pasiente sira ne’e laiha sintomas ruma, entaun hein sira bele kuidadu sira nia an atu bele kondisaun di’ak nafatin iha loron 11 nia laran. Ho nune’e Ministeiru saúde ho ministeiru justisa servisu hamutuk hodi tau matan ba  dadur sira sira.
“Iha lista ne’ebé  mak  iha sira kuaze laiha sintomas, maibe asintomatiku hotu entaun espera katak sira bele dezemvolve sira nia kondisaun di’ak fali ba loron  11 hanesan ne’e,  mak ita haree to’ok fali. Agora ba sira ne’ebé mak  katuas ona ita mós tauk tanba sira vulneravel tebes ho moras ne’e, entaun ami mós husu ba Ministru justisa atu bele tau matan ba sira, ami presija atu hadia de’it buat balun, entaun ami kordena ho ministru hodi tau matan ba sira”, Deklara ministra.

Aleinde ne’e nia dehan, prizioneru sira ne’e laiha moras covid-19, maibe dalaruma ema sira ne’ebé  mak  atu vizita ou tau matan ba sira ne’e mak  lori ba hodi hadet tutan fali ba sira, tanba ne’e mak  tenke kumpri regras prevensaun Covid-19.
“sira iha laran sira laiha moras maibe, bele mos mai husi vizita ruma ou bele mos husi guarda prizioneiru sira, tanba sira fila ba uma. Maibe ida ne’e sai hanesan ezemplu di’ak ba ita atu tur hakmatek iha uma, uza maskra, fase liman, atu ita bele salva ema barak, se lae ema ne’ebe laiha sala ita lori moras ba nia”, Odete eaplika.
Governu ne’e akresenta, sira halo izolamentu nafatin iha fatin ida ne’e, maibe lalori sai ba fatin ida, sira balun maka teste swab ona maibe seidauk rona rezultadu husi parte saude.
Iha sorin seluk, Ministru Justisa Manuel Cárceres da Costa akresenta, prizionariu Timor oan ne’ebe tinan barak iha prizaun hakotu ona iis iha izolamentu vera-cruz, entaun MJ fó kedas orientasaun hodi fó teste swab ba guarda prizioneiu no prizioneiru sira.
“Ita-nia maluk Timor oan ida, hela iha prizaun tinan barak nia laran, iha loron 11 fulan ne’e nia desmaia iha prizaun, entaun guarda prizioneriu sira halai ba sentru saúde Becora hodi halo tratamentu ba nia moras, maibe nia mós afetadu ho Covid-19, entaun evakua nia ba iha izolamentu Vera-cruz hodi bele hetan kuidadus intensivu husi mediku sira, maibe lakonsege. entaun iha loron ne’e ha’u fó orientasaun ba Diretór guarda prizioneiru sira hodi swab ba guarda prizioneriu sira ba mós dadur sira”, hateten MJ Manuel Cárceres.
Tuir dadus katak rezultadu teste swab ne’e 219, prizioneriu hamutuk 77 mak hetan rezultadu teste swab negativu, 133 mak  hetan rezultadu pozitivu inklui guarda prizioneiru hamutuk na’in 9 mak  hetan rezultadu pozitivu. Rit/Pau

Leave a Reply

Your email address will not be published. Required fields are marked *