Estadu Emerjénsia Maibe Ozek Iha Estasionamentu Becora Kontinua Sirkula

Fahe Tutan

Naunil Média(Díli), Maske estadu dekreta ona lei Estadu Emergensia (EE) maibé komunidade balu kontinua hala’o sira nia atividade hanesan ozek iha Terminal (estasionamentu) Becora ozek sirkula hodi halo movimentu hanesan bai-bain sustenta ba sira nia moris lor-loron.

Motorista Ozek, Manuel Boavida, hateten aktividade ozek durante ne’e halo sirkulasaun hosi Terminal Ba fatin sira mak hanesan Karau-Mate, Kaisabe, Darlau no Camea Lenuk-Hun.

“Ami nia moris depende ba ozek, ami sempre fahe oportunidade ba malu  oinsa atu hetan osan hosi pasazeiru sira  no ami hahu loke ozek iha 2019 to’o agora, ami nia ozek eziste ona durante tinan rua maske seidauk hetan legalidade hosi governo” hateten motorist Manuel Boavida, ba Naunil Media iha Terminal Becora, Segunda (20/04).

“Area ne’ebé ami kobre  maka  hanesan Aldeia Kaisabe, Camea Lenuk-Hun, area rua ne’e nia presu hanesan ho montante U$ 4.00 ka U$4.50 no fóin lalais bemo mogok, maka ami komesa sirkula iha Díli laran, no agora sitausaun COVID-19. Ami nafatin lori pasazeiru hosi Becora ba to’o Tasi-Tolu, maibé depende ba ema deit no nia presu tuir nia distansia hanesan Taibesi U$ 1.00 no Tasi-Tolu mak U$ 4.00”, informa Manuel.  

Motorista ne’e realsa, “Ami nia sirkulasaun barak liu mak iha Díli laran, tanba bemo ho taxi paradu total no ami ne’ebé sai ozek iha ne’e hamutuk ema nain 22 no kada loron ami nia rendementu mak U$10.00 dala ruma U$ 8.00”.

Nia dehan, kada loron sira sempre ativu iha Termina Becora, hodi hein pasajeiru sira, maske to’o ohin loron Timor-Leste iha ona positivu Corona Virus. Jjf

Leave a Reply

Your email address will not be published.