MS Sei Transporta Pasiente COVID-19 Hosi Oe-Cuse Ba Díli

Fahe Tutan

Naunil Media (Díli), Ministeriu Saúde servisu hamutuk ho Mission Aviation Fellowship sei fasilita transporte aereo hodi trasporta pasiente sira COVID-19 iha Rejiaun Administrativa Espesiál Oe-Cuse Ambeno no Zona Espesiál Ekonomia Sosiál Merkadu (RAEOAZEESM) mai Díli.

Asuntu ne’e hato’o hosi Porta voz Sentru Integradu Jestaun Krize (CIGC-Sigla Português) COVID-19, dr. Rui Maria de Araújo, iha Centro de Convenções de Díli (CCD), Sesta (17/20)

“Ministeriu saúde kordena servisu hamutuk ho Aviation Mission Fellowship, aviaun ida ne’ebe durante lori pasiente sira mai Timor-Leste bele ba foti pasiente COVID-19, bainhira pasiente sira kuarentena iha RAEOA ne’e grave bele lori mai nível nasional”, informa dr. Rui Araújo.  

Enkuantu hatan kona-ba ekipamentu prevensaun no kombate COVID-19 nian, Rui Araújo dehan, sei iha hela prosesu.

“Realidade ekipamentus nian ita iha ventillador ida deit, maibe prosesu kompra ne’e lao hela ona ita hein semana ida ka rua instrumentu ekipamentu sira nee bele too hotu nunee bele preparadu liu tan hodi infrenta kazu sira ne’ebe ita sei hetan”. Dehan dr. Rui. Apm

Leave a Reply

Your email address will not be published.