Suspeitu COVID-19 Iha TL Aumenta Ba Nain 236
Naunil Media (Díli), Porta-voz Sentru Integradu Jestaun Krize (CIGC-Sigla Português), Rui Maria de Araújo, informa kazu suspeitu ba COVID-19 iha Timor-Leste, aumenta ba nain 236.
Porta voz Sentru Integradu Jestaun Krize, Rui Maria de Araújo informa ba jornalista sira iha Media Senter, Centro de Convenções de Díli (CCD), Sesta (17/04).
“Totál kazu konfirmadu pozitivu mantein nafatin horseik nain 18, totál kazu suspeitu to’o agora hamutuk 236, horsek (Kinta 16/04) iha kazu nain 229, provavel nafatin nain haat, hein rejultadu hosi laboratóriu ne’ebe seidauk hatene hamutuk 19”, informa dr. Rui Araújo.
Porta voz ne’e hateten, kazu konfirmadu no kazu provavel dadaun ne’e iha Timor Leste rejistradu mai ho grupu haat, mak hanesan grupu ida hosi Hotel Katuas, hosi Hotel Fortuna, hosi Hotel Timeing no hosi Hotel Novu Orizonte.
“Hotel katuas nian konfirmadu hamutuk nain 16 provavel nain rua, grupu ida ne’e maioria viajen hamutuk bus ida deit, iha loron 01 fulan Abríl. Segudu grupu hosi Hotel Fortuna, ne’e provavel ida ho nia viajen bus hanesan iha loron 29 fulan marsu hanesan ho hotel katuas, tamba antes nee tula uluk hotel fortuna hafoin tula fali grupu ida iha hotel katuas. Terseiru grupu mak mai hotel Timin kazu konfirmadu ida, kazu ne’e viajen ho bus MTCI iha fronteira mai to’o hotel iha loron 02 fulan Abríl no kuartu grupu iha hotel Novo Horizonte provavel ida”, informa porta voz ne’e.
Tuir nia, kazu provavel nain haat no konfirmadu nain 17, ne’e tama hotu fatin izolamentu Vera Cruz, maibe sira provavel tau ketak no kazu konfirmadu tau ketak.
Entertantu kazu provavel ne’e hanesan rezultadu ne’ebe seidauk bele fó sai, tamba teste laboratóriu seideuk bele hatudu negativu ou pozitivu. Uar
