FONTIL Audensia ho CAC hodi Prosesu Ro’o Haksolok

Naunil Media (Díli), Forum ONG Timor-Leste (FONTL) Daniel dos Santos, Informa hasoru malu ho Comição Anti-Corrupcao (CAC sigla portugés),  hodi koalia kona-bá prosesu konstursaun Ro’o Haksolok

“Ami-nia prejensa iha ne’e atu husu ba CAC oinsa mak  atu halo investigasaun ba prosesu tomak konstrusaun Ro’o Haksolok nian. Tanba Ro’o Haksolok iha karik agora ita la diskuti malu kona-bá aluga Ro’o”, Dehan Diretór ba jornalista sira hafoin remata dialogu iha edifisiu CAC Farol, tersa (08/06).

Nia hatutan, objetivu husi dialogu ne’e iha asuntu prinsipal rua mak  atu relata ba CAC, liu-liu ba aluga Ro’o Tranship II subtitui Ro’o Nakroma nomós ba prosesu konstrusaun Ro’o haksolok nian.

 “Ohin ami mai iha asuntu prinsipal rua, ami atu follow up kona-bá prosesu aluga Ro’o ne’ebé mak  subtitui Ro’o Nakroma, ne’ebé tuir deklarasaun deskonfia katak, prosesu aluga ne’e laliu husi prosesu normal”, Katak nia.

Nia hatutan, prosesu konstrusaun Ro’o Haksolok ne’e la’o oinsa, tanba Prezidenti Rejiaun Administrativa Ekonomia Oecusse Ambeno (RAEOA) deklara nia sei responsabiliza ba ba Ro’o ne’e bainhira Ro’o ne’e lamai.

“Governu aprova ona osan tinan 2021, kuaze $14 milloens, i prezidenti Autoridade RAEOA promete dehan Ro’o ne’e sei mai, se lamai nia responsabiliza, entaun ami atu fó informasaun ba CAC, prosesu Ro’o Haksolok ne’e to’o ona iha ne’ebe? iha dalan mai ona ga oinsa? tanba ita kompara konstrui Ro’o haksolok ne’e han kuaze $20 ital jutas, maibé Ro’o ida agora tama ona ba Tasi laran ne’ebé mak  apoiu husi parseiru Governu Alemania, ita halo Ro’o ida foun ho nia montante ne’e lato’o 10 jutas”, FONGTIL relata.

Diretór hato’o ba CAC nia agresivu,  atu buka hatene Roo haksolok nia prosesu tomak to’o ona iha ne’ebe?

Iha fatin hanesan, Komisariu Comicão Anti-Corrupcão (CAC), Sergio Hornai akresenta Pontus importante ne’ebe maka husi FONGTIL nia monitorizasaun rasik, buka medidas sira atu nune’e bele asegura buat balun ne’ebe maka la’o ladun di’ak.

“CAC labele halo konkluzaun maibe ida ne’e hanesan pontus importante ida ne’ebe maka FONGTIL partilla liu-husi esforsu sira ne’ebe maka liu-husi monitorizasaun ne’ebe maka sira halo, ka levantamentu ne’ebe maka ekipa halo tiha ona, sei hato’o mai iha autoridade kompetente para atu bele halo medidas hotu, atu ita bele asegura buat balun ne’ebé laloos”, Komisariu esplika.

Nia deklara, prosesu hotu-hotu tuir nia tempu, maibé importante mak  investigasaun ida ho objetividade ho kualidade para  bele hetan se maka sai responsabilidade ba iha kaju ida ne’e nian, no prejuiju saida mak  mosu iha kaju ida ne’e nia, bele hetan apura ba iha autoridade sira.

Antes ne’e Ro’o Haksolok inaugura ihaloron 26 fulan Maiu iha tinan 2017 iha sidade Filguerra da Foz, Portugal, maibé to’o ohin loron Ro’o Hasolok seidauk mai Timor-Leste. Rit