SEAK Sujere Proteze Orijinalidade Tais Timor
Naunil Media (Díli), Sekretáriu Estadu Arte no Kultura (SEAK), Teófilo Caldas, hateten presija proteze no defente Tais Timor nia orijinalidade tanba influensia globalizasaun dezenvolvimentu sai ameasa ba tais nia orijin.
Membru oitavu governu konstitusionál, Teófilo Caldas ba jornalista sira hafoin serimónia asina karta nomiasaun Tais Timor ba rejista iha UNESCO Paris Fransa mak hala’o iha edifisiu SEAK Praias dos Coqueiros, Segunda (16/03).
“Timor-Leste ne’ebé riku ho diversidade kulturál inklui Tais ne’ebé hatudu orijin, étnia, lisan, tradisaun no karakteristika moris Timor oan sira nian sai tiha ona nu’udar afirmasaun id aba ita nia identidade ne’ebé ejiste hori uluk kedas to’o ohin loron ba nafatin. Haree ba dezenvolvimentu globalizasaun ohin loron Tais sai ona elementu kultura ida ne’ebé hetan amesa, presiza hetan defende no protesaun ba nia orijinalidade”, hateten Teófilo Caldas.
Tuir governante ne’e katak, komitê nasionál ba patrimónia kulturál no materiál Timor-Leste ne’ebé antes ne’e harii ona atu responde ratifikasaun ba konvesaun Organização das Nações Unidas para a Educação, a Ciência e a Cultura (UNESCO-Sigla Ingles) ni’an, iha ne’ebé hanesan dalan ida lori Timor-Leste bele integra án iha enkuadramentu no polítika global sira ba protesaun no promosaun ba seitór kulturál.
“Komitê nasionál ba patrimóniu kulturál no materiál Timor-Leste hala’o servisu ba nomiasaun tais atu rezista iha Organização das Nações Unidas para a Educação, a Ciência e a Cultura-UNESCO Paris, hodi hetan rekuiñesimentu nu’udar patrimóniu kulturál no materiál no mos atu dezeña planu defende ba tais ne’e rasik nu’udar dalan ba prosesu nomiasaun ba dahuluk, hodi aplika ba programa UNESCO nia fundu asistensia ba prosesu nomiasaun ne’ebé felizmente hetan duni aprovasaun”, dehan Teófilo Caldas.
Komitê nasionál ba patrimónia kulturál no materiál Timor-Leste ne’e, mai husi ekipa traballu husi, Sekretariu Estadu Arte no Kultura, Ministériu Turizmu Komersiu no Industria, Sekretáriu Estadu Igualidade no Inkluzaun, reprezentante UNESCO iha Timor Leste, Timor Aid, Alola Foundation, UN Women no USAID. Uar
