Lidera Redi Feto, Fundadór OPMT No Redi Feto Hili Zelia Troka Yasinta

Naunil Media (Dili), Fundadora Redi Feto (FRF), ho Organizasaun Populár Mulher Timorense (OPMT) Hamutuk 33 hili Zelia Fernandes Sai Prezidente Redi Feto hodi Troka Fali Prezidente Sesante Yasinta Lusina.

Fundadora Rede feto deklara objetivu husi troka prezidente inklui ho nia estrutura husi Rede Feto. Tanba prezidenti sesante Yasinta Lusina Komete kazu abuzu poder.

“Rede Feto Timor Leste (RFTL), iha loron Sesta konvoka asembleia extra-ordinaria no konsege hili fali Zelia Fernandes ho nian pakote hodi troka Prezidente sesante Yasinta Lusina no nian estrutura sira. Razaun Prezidente lideransa sesante akujadu halo abuzu poder”, Fundadora redi feto Judite Dias Ximenes Ba Jornalista Naunil Media Via Telefone iha nia knaar fatin segunda, (29/03).

Fundadora ne’e hatutan, organizasaun membru no fundadora sira organiza asembleia extra-ordinaria ho rajaun, Pezidente sesante Yasinta nia lideransa akujadu paraliza funsionamentu normal iha RFTL, halo abuzu poder, konflitu interese, la promove, la defende, la dignifika, hamonu no hafoer RFTL iha públiku ho konsientemente no ho propozitu.

“Ami simu kontestamentu husi señora Merita kona-bá desizaun ne’ebé lajustu nia mós membru board maibé nia dehan lajustu, agora iha loron 15 ne’e mós ami simu karta husi labarik sira iha sekretáriadu Redi Feto ko’alia katak konsellu diretorial Yusinta sira ne’e komete abuzu de poder halo konflitu de interese halo fraude no ami simu petisaun husi labarik sira hamutuk tahan neen” nia hatutan.

Nune’e tuir Prezidente Redi feto atual Zelia Fernandes, informa nia delega husi fundadora no OPMT tanba ne’e nia prontu atu Lidera Redi feto tanba Redi feto harii iha tempu ne’ebé mak difisil.

“Nomeadu no delega husi Organizasaun Popular Mulher de Timor OPMT atu reprezenta OPMT iha asembleia Membru extra ordinaria nomós nu’udar membru, iha Statutu klaru katak Prontu atu eleitu no prontu atu hili tanba ne’e mak membru sira bainhira ajenda ha’u nia naran iha lista pakote ha’u rasik nuudar Membru ne’ebé delega husi fundadores OPMT ba reprezenta iha redi feto ha’u prontu atu asume knaar ida ne’e ho responsabilidade,” İnforma Prezidente Redi Feto Zelia Fernandes.

Nia deklara serbisu espesial ida ne’ebé fo husi kongresu feto nasionál Timor-Leste, mak fasilita no organiza kongresu nasionál feto nia tinan 5 dala ida no mós iha pilar 4 seluk ne’ebé mak Board sira presiza tau matan ba mak hanesan ida kona-bá networking ka redi servisu, rua kona-bá advokasia, tolu kona-bá kapasitasaun, no haat kona-bá haforsa instituisaun.

Nune’e mós iha asembleia extra-ordinaria ne’ebé halao husi membru organizasaun no fundadora sira hamutuk 33 (prienxe 2/3) liu husi votus aklamasaun (votus direta no via zoom) hili lista uniku ba Prezidente RFTL foun Zélia Fernandes ho nia estrutura sira inklui; Vise Prezidente I, Teresa de Carvalho; Vise Prezidente II, Gizela de Carvalho; Sekretária, Sekretária Cecilia da Fonseca; Tezoreira, Doratea Kesse; Haforsa Instituisaun, Márcia de Oliveira; Advokásia, Maria Domingas Fernandes Alves; Rede Servisu, Maria Dias; Kapasitasaun, Maria Imaculada Guterres.

Redi feto hanesan organizasaun ida ne’ebé hahu hari’i iha loron Sanulu Fulan Marsu 2000. Hodi sai hanesan Mahon ida ba feto sira.*jos