Komadante PNTL Joni: Estudante 192 Tenke Kumpri Regra iha Kuarentena Orbo Same

Naunil Media (Manufahi),   Komandante  Polísia Nasionál Timor-Leste (PNTL)  Manufahi Superintendenti polísia Joni Viana Das Regras,  husu estudante Manufahi oan 192 tenke kumpri regra prevensaun covid-19 iha kuaretena sentru formasaun edukasaun Orbo Same  tanba estudante mak futuru nasaun nian.

Superintendenti polísia Joni Viana ba jornalista sira hafoin halo sosializasaun hamutuk   komisaun covid-19, sentru formasaun edukasaun Orbo Same, segunda (12/04).

Joni haktuir,  estudante Manufahi oan hamotuk na’in  192 ne’ebé desloka husi Díli no aplika kuarentena iha sentru formasaun edukasaun Orbo Same, komisaun covid-19 Manufahi aprésia husu   parabens ba estudante sira.

“Ami apresia no husu parabéns ba ne’ebé kuarentena iha Orbo Same hatudu koperasaun dia’ak  estudante sira hanesan futuru nasaun nian no labele fiar ilustrasaun no informasaun falsu ne’ebé ema lansa iha públiku kona-ba covid-19,  tanba covid-19 sai vírus ne’ebé perígu tebes ba sidadaun nia vida”. Tenik Joni.

Entretantu iha fatin hanesan reperezentante estudante iha izolamentu Deolindo Coli-Mali Nunes de Andrade, hato’o sira nia preukupasaun ba komisaun covid-19 munisípiu Manufahi kona-ba fatin kuarentena kondisaun la dún diak inklui haris fatin no sintina  la sufisiente ba estudante sira hamutuk  192 susar atu kumpri distánsia sosiál.

Iha okaziaun ne’e  diretóra servisu munisípal Saúde Manufahi Florençia Corte-reál Tilman resposta ba prekupasaun sira husi estudante katak   parte saúde koloka estudante sira iha fatin kurentena Orbo fahe ona estudante sira ne’ebé tama uluk no tama ikus kuarentena balun iha andár leten no iha salaun parte kraik.

“Ho  objetivu atu kumpri regras distánsia sosial no sintina no harís fatin maske limitadu maibé orentasaun klaru uza sintina kumpri nafatin distánsia sosiál, maibé estudadante sira maka la kumpri orentasaun no balun kontinua halibur hamutuk konsikuensia maka estudante sira ne’ebé kuarentena iha Orbo hotu-hotu tenki hein rezultadu SWAB foin re-ntegra ba família maske balun tama uluk no balun tama ikus”. Florençia akresenta.

Iha oportunidade ne’e   Administradór Munisípiu Manufahi Arantes Isaac Sarmento hanesan presidenti komisaun covid-9 haktuir,  kona-ba preokupasaun  sintina ne’ebé intupidu komisaun sei kordena ho servisu agua saniamentu atu resolve kona ba fatin kuarentena iha Orbo la’ós fatin kuarentena   tanba tuir regra postu entrada iha Leusate la autoríza estudante sira ne’ebé desloka husi Díli hanesan munisípiu ne’ebé afetadu husi covid-19 labele tama mai iha Munisípiu Manufahi.

Tanba  estudante sira la kumpri ona regras la iha rezultadu SWAB no karta autorizasaun maibé tanba situasaun obriga komisaun foti desizaun situasionál ba fatin kuarentena iha Orbo la’os desizaun definitivu hodi halo kuarentena ba estudante sira hodi halo prevensaun ba covid-19  estudante sira nia  família no sidadaun tomak iha Manufahi

“Ha’u husu estudante sira hanesan jerasaun foun ba Manufahi atu kopera di’ak ho autoridade sira nune’e bele salva povu Manufahi husi vírus perígu ida ne’e”. Tenik nia.

Entretantu total estudante ne’ebé desloka husi kapitál Dili ne’ebé kuarentena iha kapitál munisípiu Manufahi ho totól ema na’in 236,  estudante  29 maka re-integra ona ba família, tama izolamentu foun hamutuk 31. Iha izolamentu Polo UNTL Same  205   no  kuarentena   residénsia kompaña Tinolina no balun iha  sentru formasaun edukasaun munisípiu Orbo Same 92 iha sidadaun hamtuk na’in 16   aplika auto kuarentena. NFM