ONG Plan Internasionál Servisu Hamutuk SEPC Kombate Violénsia Hasoru Feto no Labrik
Naunil Media (Díli), Kinta (10/12) ne’e, Organizasaun Naun Governamental-ONG Plan Internasionál ho Sekretariu Estadu Protesaun Civil (SEPC) selebra asina akordu kooperasaun ba servisu hamutuk atu kombate violénsia hasoru feto labarik durante tinan tolu iha munisípiu sira tuir tarjetu.
Asutntu ne’e hato’o husi Sekretáriu Estadu Protesaun Sivil, Joaquim Gusmão, ba jornalista sira hafoin asina akordu kooperasaun ho Plan Internasionál, iha Suai Room, Timor Plaza.
Membru Governu konstitusionál da-ualu, Joaquim, informa objetiu servisu atividade ne’e hamutuk ho diresaun nasionál prevensaun konflitus Komunitáriu, iha ne’ebe antes ne’e ne’e hala’o uluk ona seminariu ida atu haree atu asuntu refere.
“Diresaun nasional Komunitariu atu prevene konflitus ne’ebe akontese iha ita Nia sosiedade liu-liu Sira ne’ebe Mak sosia iha feto ho labrik sira”, tenik Joaquim.
Iha fatin hanesan diretóra Plan Internasionál iha Timor-Leste, Dillyana Ximenes, haktuir “Plan Internasionál ho SEPC konprimenta liu husi Diresaun Nasionál Prevensaun Konflitu (DNPK) ba komunitariu durante tinan tolu. Ekipa rua husi Plan Internasionál no konsiderasaun prevensaun komunidade sei servisu hamutuk hodi haree ba prevensaun violénsia labarik feto. Konflitu ida ne’e Plan Internasionál nomós nafatin asegura ba igualidade jeneru”.
Nia akresenta, inportante liu Plan Internasionál halo esforsu tomak servisu hamutuk ho inan aman no komunidade hodi bele hapara violénsia kontra labarik feto hodi kontribui ba prosesu dezenvolvimentu ho seguru.
Ikus Nia dehan, dadus jerál violensia ne’ebé mak sa’e liu ne’e iha tempu COVID-19, hotu-hotu tenki iha responsablidade no mós ba media sira mós papel inportante bele halo sosializa ba Ida ne’e.
Tarjetu ba koperasaun servisu ne’e sei implementa iha munisípiu tolu mak hanesan Dili, Aileu no Ainaro. Ipe/fet
