CNRT Seidauk Iha Desizaun Tuir Fali Plenária PN

Fahe Tutan

Naunil Media (Díli),  Xefe bankada Congreco Nacionál de Reconstrução Timor (CNRT), Duarte Nunes, hateten bankada CNRT seidauk iha desizaun ruma atu partisipa hikas plenária Parlamentu Nasionál (PN) ne’ebe lidera hosi Prezidente Parlamentu Nasionál foun, Aniceito Guterres.

“Ohin ami sei tur hamutuk hodi deside bain hira mak tama plenária, ne’e desizaun hosi enkontru iha bankada mak sei deside”, hateten xefe bankada CNRT, Duarte Nunes, ba jornalista sira iha resintu Uma Fukun PN, Segunda (01/06).

Antes ne’e liuhosi konferensia imprensa iha Sala Bankada CNRT, deputadu Marcos Xavier, hateten partidu tolu, FRETILIN, PLP no Khunto aproveita estadu emerjénsia iha rai-laran hodi hadau ka halo asaltu podér.

Relasiona ho deputadu/a sira hosi bankada CNRT ne’ebe la marka prezensa iha plenária, Primeiru Ministru (PM), Taur Matan Ruak mos hato’o ona ninia lamentasaun, liuhosi nia intervensaun plenária husu autorizasaun ba estensaun estadu emerjénsia ba datoluk, iha Uma Fukun PN, Kuarta (27/05).

“Hau lamenta , deputadu/a  hosi partidu CNRT nian ne’ebe mak ohin la marka prezensa iha plenária. Maibe, hau espera katak sira (CNRT) iha ne’ebe deit, sira sei akompaña deskusaun ida ne’e, para nune’e sira mos bele fó sira nian kontribuisaun ba mandate tuir konstituisaun nian, konfiansa ne’ebe povu fó inklui CNRT rasik”. Dehan PM, Taur. Uar    

Leave a Reply

Your email address will not be published.