SEPS Apoiu Nesesidade Bázika Ba Família Uma-kain Hitu Iha Lautém

Fahe Tutan

Naunil Media (Lautém), Família Uma-kain hitu (7) ne’ebé foin lalais  afetadu ba inundasaun iha Munisipiu Lautém, Postu Administrativu Lospalos, suku Fuiloru, aldeia Lospala, hetan ona apoiu nesesidade bázika hosi Sekretária Estadu Protesaun Sivíl (SEPS).

Sekretáriu Estadu Protesaun Sivíl (SEPS), Alexandrino Xavier de Araújo, hateten nesesidade bázika ba família uma kain hitu tanba bazeia ba situasaun dezastre natural ne’ebé akontese inundasaun iha loron 22 fulan Maiu.

“Ohin fahe sasan nesesidade bázika ba família uma-kain hitu tanba bazeia ba situasaun dezastre naturál ne’ebé akontese inundasaun iha loron 22 fulan Maiu, apoiu ne’e la’ós ba uma kain hitu de’it. Maibé ajente protesaun sivíl  sei servisu di’ak liu-tan hodi kontinua foti dadus afetadu inundasaun sira seluk ne’ebé mak seidauk indentifika”, SEPS Alexandrino Xavier de Araújo, ba jornalista sira hafoin atribuisaun nesesidade bázika ba komunidade afetadu inundasaun sira, iha Sede Suku Fuiloro, Aldeia Lospala, Segunda (01/06).

Governante ne’e hatutan, “Apoiu ne’ebé ami fó ba komunidade afetadu inundasaun, la’ós selu ka truka komunidade sira nia sasán ne’ebé hetan estragus hosi inundasaun ne’e, maibé apoiu ne’e atu hakma’an vítima sira nia sofrementu, nune’e bele enkoraja sira atu hala’o sira nia atividade hanesan babain”.

Iha fatin xefe aldeia Lospala, Tito Ximenes, agrades ba Sekretáriu Estadu no  rekomenda ba governu atu apoia mos ba komunidade sira ne’ebé mak seidauk hetan apoiu.

Iha okaziaun ne’e vítima inundasaun, Olderico Pereira, mos ageadese ba apoiu hosi governu, maske labarak maibé bele hakma’an sira nian fuan ne’ebe triste durante ne’e. Apoiu ne’ebé SEPS oferese mak hanesan, foos Marka RDTL 25kg, Mina Bimoli litro 1, Supermi Dos 1, Biskuit Kalen 2, Dancow Kaixa 4, Baxia 1, Jerigen 25 litro 1, Manta ho nesesidade sira seluk. Latu

Leave a Reply

Your email address will not be published.