SEPS, Alexandrino :“Hau Prontu Simu Desizaun Saida Deit Hosi PM Taur”

Fahe Tutan

Naunil Media (Liquiçá), Sekretáriu Estadu Protesaun Sivíl (SEPS), Alexandrino Xavier de Araújo, hateten nia parte prontu simu desizaun saida deit mak Primeiru Ministru Taur Matan sei foti relasiona ho proposta ezoneirasaun hosi partidu Khunto nian.

“Hau prontu simu desizaun saida deit, buat ne’e normal. Prontu 100% atu koopera tanba kuakker Timor oan ida, ohin no horisehik timor oan ida servisu, ohin servisu, aban mos timor oan servisu, importante instituisaun estadu nian la’o ba oin. Interese ba nasaun ida ne’e mak importante”, deklara SEPS, Alexandrino Xavier de Araújo.  

Governante ne’e hatutan, núdar jerasaun kntinuadór ne’ebe servisu ba rai doben Timor-Leste sempre tenta atu komprende luta ne’ebe líder rejistensia sira halo ona passadu, dedika sira nian vida tomak lahatene deskansa.

“Hau hatene sira laiha deskansa, hanesan data feriás laiha, Sábadu no Domingo laiha, tanba ne’e talvez ha’u sala ituan iha situasaun balu iha loron Sábadu invez ha’u ba tuir aktividade partidu nian. Mais hau ba halo fali apoiu ne’ebe mak akontese iha Metinaru, mais ida ne’e laiha buat ida”, ho oin midar Membru governu konstitusionál da-ualu ne’e hatan perguntas jornalista sira nian iha Sentru Armajen Tibar, Liquiçá, Sesta (29/05).

“Karik iha sala ruma iha situasaun ne’eba, hau mos hanoin sira bele hato’o tanba sira nia direito, maibé governu hau tenke submete ba Primeiru Ministru PM ninia desizaun, tanba nia mak hau nian superiór nia”. Dehan Nia. Ana

Leave a Reply

Your email address will not be published.