Ángela Husu Eis-PM Marí Esplika Subornu $2.5 Milliaun Husi ConocoPhilips
Naunil Media (Dili), Porta voz Rejistensia Nasionál Defende Justisa no Konstituisaun Repúblika Demokrátika Timor-Leste (RNDJ-K-RDTL), Ángela Freitas husu Eis-Primeiru Ministru (PM) no Sekretáriu Jerál Paratidu Frente Revolusionáriu Timor-Leste Independete (FRETILIN), Marí Bin Amudi Alkatiri atu esplika ba públiku kona-ba simu subornu $2.5 miliaun husi ConocoPhilips.
“Ba kazu subornu ne’ebe ita hotu hatene, ita nia eis Primeiru Ministru Marí Alkatiri tenke toma responsabilidade atu bele esplika ba povu kona-ba simu subornu husi ConocoPhilips ne’ebe ita hotu hatene dadaun ne’e espalla iha media no públiku”, Porta voz RNDJ-CRDTL, Ángela Freitas, ba jornalista sira liuhusi konferensia imprensa iha sede Partidu Trabalhista Akait, Sabadu (04/07).
Tuir Porta voz RNDJ-CRDTL, Ángela, kazu ida ne’ebe ke inportante tebes ba povu bele hatene, tenke halo esplikasaun ho detailadu, tamba osan povu nian.
Antes liuhusi deklarasaun polítika iha plenária uma fukun Parlamentu Nasionál, bankada FRETILIN, Deputadu Soaquim Dos Santos, esplika dokumentu akuzasaun ne’ebé kompaña Oceanic Exploration/Petrotimor lori ba Tribunal hasoru kompaña ConocoPhillips, tamba sira akuza ConocoPhillips fó osan subornu ba Marí Alkatiri hamutuk $2.5 milloins.
Keixa ne’e kompaña Oceanic Exploration/Petrotimor hato’o ba Tribunal supremu Australia nian iha tinan-2001. Iha loron 3 fulan Fevereiru tinan 2003, Tribunal Supremu Australia nian rejeita tiha keixa ne’e tamba laiha evidensia. Uar
