Primeira Époka LFTL 2020 : Mau-Doko Manan Mihis São José 3-2

Fahe Tutan

Naunil Media (Díli), Primeira époka Liga Feto Timor-Leste (LFTL) 2020, jogu entre ekipa Mau-Doko halakon São José score 3 versu 2.

Iha kampu demokrásia, Sábadu (04/07),  jogu primeira parte ekipa rua hatudu kontra no atake, maibe sorte ba São José, iha minutu 16 liu husi jogadora Zizina Alves ho númeru kamizola 14 marka golu dahuluk.

Golu refere hasa’e liu-tan tensaun jogu, no esforsu husi ekipa São José hodi akontese golu resposta hafoin avansadu Emelda Freitas ho númeru kamizola 8 suta bola ba rede Mau-Doko, nune’e jogu primeira parte remata ho rezultadu provizóriu 1 versu 1.

Segundu parte, ekipa rua nafatin hatudu jogu bonito hodi diverte adeptu sira, maibe forsa São José iha minutu 61 Nensia Carvalho ho númeru kamizila 9  les golu daruak ba rede Mau-Doko.  

Golu refere lahamate espiritu atake ekipa ba Mau-Doko, nune’e liu deit minutu tolu (minitu 64), liu husi avansadu Zizina marka mos golu daruak.

Sorti diak ba Mau-Doko, iha minutu 75 jogadora Deille de Jesus ho númeru kamizola 10 marka golu datoluk.  To’o jogu remata ekipa Mau-Doko halakon São José ho score 3-2.

Hafoin jogu remata, treinadór FC. Mau-Doko, Isaul Mateus da Costa, hateten vitória ne’ebe sira hetan sai previléjiu no sei prepara-án di’ak liu-tan atu hasoru jogu tuir mai.  

“Liga feto Timor-Leste ohin ami nia klube são José manan ho Skor 3-2 ne’e ami senti kontente tanba ami nia klube kosege manan no sai preveleziu bo’ot mai ami treimador sira atu prepara diak liutan iha futuru” treinador FC. São José, Isaul Mateus da Costa, ba jornalista sira iha kampu Demokrasia, Bairu dos Grillos.

Teinador ne’e hatutan, sira joga la’ós atu buka juara  ‘kampiaun’ maibé sei esforsa-án atu nia ekipa bele hatudu jogu di’ak iha kampu.

Iha fatin hanesan treinador FC. São José,  Adriano Ramos mos orgullu maske derota kontra nia adversáriu.

“Hau  nu’udar treinador husi Klube São José senti kontente tebes maske lakon ho rezultadu 2-3, tanba hau nia klube foin primeira vez jogu”, rekuiñese treinadór FC. São José ne’e. 

Liga Futeból Feto Timor-Leste, abertura iha loron 27 fulan Junñu tinan ne’e. Jjf

Leave a Reply

Your email address will not be published.