Suku Lore I-Lore II Hakarak Sai Postu Administrativu

Fahe Tutan

Naunil Media (Díli), Autoridade sira husi suku rua hanesan, suku Lore I no Lore II iha Munisípiu Lautém hakarak transforma-án sai postu administrative foun.

Relasiona ejijensia ne’e, xefe suku Lore I, João Amaral ne’ebe reprezenta povu husi suku rua (Lore I  no Lore II) hato’o proposta ne’e ba Sekretáriu Estadu Komunikasaun Sosiál (SECOMS-Sigla Português), Merício Juvinal dos Reis ‘AKARA’, durante sorumutuk iha SECOMS, Sesta (03/07).    

Hafoin sorumutuk, xefe suku Lore I, João Amaral, haktuir proposta sai postu administrative foun ne’e, nia hato’o ona ba Sekretáriu Estadu Merício Juvinal dos Reis ‘AKARA’ atu enkamiña ba Primeiru Ministru Taur Matan Ruak.   

“Ohin mai hasoru malu ho Sekretáriu Estadu Merício Juvinal dos Reis ‘AKARA’, hodi informa kona-ba proposta suku rua nian iha postu administrativu Lospalos hakarak sai postu administrativu foun ka ketak. Povu sira iha ne’eba hein hela, SECOMS bele hato’o hela ba Primeiru Ministru”, tenik xefe suku ne’e.

Hatan ba ejijensia ne’e, SECOMS, Merício Juvinal dos Reis ‘AKARA’, hateten nia parte sei enkamiña proposta refere ba iha Primeiru Ministru Taur Matan Ruak.

“Suku rua iha ne’eba hanesan Lore I no no Lore II hakarak sai postu administrativu foun, preokupasaun ida ne’e hau sei informa ba sua exelensia Primeiru Minitru no Ministeiru Estatal hodi halo avaliasaun”, dehan SECOMS, Merício Juvinal dos Reis ‘AKARA’.

Durante sorumutuk, xefe suku Lore I, João Amaral husu ba SECOMS atu implementa programa NAROMAN SUKU suku Lore I no Lore II. Lop

Leave a Reply

Your email address will not be published.