PNTL Munisípiu Lautém Apela ba Komunidade Mantein Paz

Fahe Tutan

Naunil Media (Lautém),  Komandante Polísia Nasionál Timor-Leste (PNTL)  Munisípiu Lautém, Superintedente António Rego Fernandes, apela ba komunidade atu matein paz no estabilidade hodi kontribui ba dezenvolvimentu nasaun nian.

Superintedente António Rego Fernandes, apela ba komunidade relasiona ho mudansas no transferensia dirijente komandu munisípiu nian. Iha ne’ebe antes ne’e Komandu Munisípiu Lautém komanda husi Superintendente Asistente Cebastião Alves Quintão.   

“Hau sei implementa tuir komandu  jerál nia vizaun  ne’ebé mak tutela ba komandu  munisípiu sira. Ha’u husu ba komunidade sira  hotu atu hakmatek no nafatin mantein estabilidade hodi hala’o ida-idak ninia servisu”,  Komandante PNTL Munisípiu Lautém, Superintedente António Rego Fernandes, ba Naunil Media iha nia kna’ar fatin Laru-Ara, vila Lospalos, Segunda (06/07).

Tuir Komandante PNTL Munisípiu Lautém, Superintedente António Rego Fernandes, transferensia kna’ar ne’e sai hanesan buat kuktura ba kualker instituisaun, inklui mos PNTL.

“Komadante mak troka malu,  maibé kna’ar ho responsabilidade sei mantein nafatin hodi hala’o    servisu ne’ebé mak komandante sesante sira implementa ona”, hateten Superintedente António Rego Fernandes.

Ikus-liu, Komandante PNTL Munisípiu Lautém ne’e, dehan sei mantein  servisu hamutuk ho ekipa prevensaun COVID-19 atu kombate Surtu globál ne’e liu husi hala’o sosializasaun ba komunidade sira. Latu

Leave a Reply

Your email address will not be published.