Ministru Fernando Relata OJE 2020 ba PM Taur

Fahe Tutan

Naunil Media (Dili), Segunda (06/07) ne’e, Ministru Finansas (MF), Fernando Hanjam hasoru malu ho Primeiru Ministru Taur Matan Ruak hodi relata kona-ba preparasaun orsamentu jerál estadu (OJE).

“Hau mai atu relata ba Primeiru Ministru Taur Matan Ruak, primeiru kona-ba preparasaun orsamentu jerál 2020 nian, ne’ebé iha semana kotuk ita dejamina ona ba kada ministeriu atu tetu ida-idak prepara sira nia orsamentu”, Ministru Finansas (MF), Fernando Hanjam, ba jornalista sira hafoin sorumutuk ho xefe Governu, Taur Matan Ruak, iha Palasiu Governu.  

Segundu, Ministru Finansas ne’e infórma kona-ba pagamentu iha tinan ida ne’e to’o fulan Outubru ba deit iha pagamentu salariu vensimentu no bens servisu tanba kuaze atu to’o rohan ho deit duodecimal. 

“Tinan ida ne’e orsamentu kuaze atu to’o rohan ho duodecimal parese to’o Outubru sei uja duodecimal, entaun signifika katak ita halo pagamentu ne’e iha salariu vensimentu no bens servisu”, tenik Nia.  

“Pagamentu ba kapital menor nian sei hein kuandu orsamentu ne’e aprova, tanba prosesu aprovizonamentu ne’e naruk, entaun ita husu sira so priense komprimisiu obrigasoens ne’ebé ita atu paga iha fulan ne’e, kuandu osan aprova ita hein selu deit ona. Ita labele halo projetu fóun no projetu fóun sira ne’e hein ba tinan 2020”. Dehan Nia. Apm

Leave a Reply

Your email address will not be published.