Vise-MAP Husu UNDIL Apoia Dezenvolvimentu Seitór Agrikutura iha TL
Naunil Media (Díli), Kinta (30/07) ne’e, Vise-Ministru Agrikultura no Peskas (MAP), Abilio Xavier de Araújo, hala’o vizita ba Universidade Dili (UNDIL) hodi husu apoia husi UNDIL ba dezenvolvimentu seitór agrikultura, nune’e bele redus importasaun ai-han mai Timor-Leste (TL).
Vice-MAP, Abilio Xavier de Araújo, haktuir prezensa ninian atu rona hanoin husi sosiedade akadémiku no servisu hamutukba hasa’e produsaun ai-han lokál hodi promove iha merkadu.
“Ha’u-nia presensa mai iha UNDIL, ne’e atu rona ita-nia akademiku intelektual sira nian hanoin atu servisu hamutuk ho MAP iha futuru bele prodúz ita-nia produtu lokal no promove iha merkadu”, hateten Vise-MAP, Abilio.
Governante ne’e, haktuir liu-tan rona ona rekomendasaun no ideia oi-oin husi peskizadór sira UNDIL, liu-liu oinsa dezenvolve ai-han produtu lokál, floresta no peskas atu labele dependensia importasaun husi rai-liur.
“Ha’u fiar parte husi akademiku sei fó apoiu pursentu 100 (%) ba Ministériu Agrikultura no Peskas”, tenik membru Governu konstitusionál da-ualu, Abilio.
Iha fatin hanesan, Reitór José da Costa Belo Pereira , konside nesesáriu tebes servisu hamutuk, apoia malu ideia entre akadémiku ho Governu ba kontribui dezenvolvimentu iha Timor-Leste.
“Sorumutu ida ne’e loke mós dosente sira-nia hanoin hotu ba seitór agrikultura, tanba ita loke eskola la’ós buka matenek de’it, maibé ai-han mos importante ba nesesidade báziku”, realsa Reitór UNDIL.
Ikus-liu, Reitór UNDIL, lori naran Universidade agradese ba prezensa Vise-MAP hodi rona rekomendasaun no hanoin balu, no espera iha future bele servisu hamutuk. Emj1/Emj4.