Aniversáriu F-FDTL ba Dala-45, Koronél Coliati : Sei Tour FALINTIL ba Rejiaun Haat

Fahe Tutan

Naunil Media (Díli), Xefe Estadu Maiór FALINTIL Forsa Defeza Timor-Leste (F-FDTL), Koronél Calisto Santos Coli ‘Coliati’, informa komemorasaun aniversáriu Forças Armadas Libertação Bacionál de Timor-Leste (FATILTIL) Forsa Defeza Timor-Leste (F-FDTL) ba dala 45 ne’ebé sei monu iha loron 20 fulan Agostu tinan ne’e sei selebra ho atividade TourFALINTIL ba rejiaun haat.

“Ohin ne’e, ami ko’alia kona-ba planu preparasun ba 20  Agostu 2020, atu halo atividade tour FALINTIL ne’ebé sei la’o hadulas Munisípiu 12”, Xefe Estadu Maiór F-FDTL, Koronél Calisto Santos Coli ‘Coliati’, ba jornalista sira liu husi konferensia imprensa, iha Quartel Jenerál, Fatu-Hada, Kinta (30/07).

Xefe Estadu Maiór F-FDTL, Koronél Calisto Santos Coli ‘Coliati’, informa aktividade Tour FALINTIL ne’e sei hahú iha loron 8 fulan Agostu 2020 tuir rute ba husi Díli komesa ba deskansa iha  Bobonaro.

Nia informa liu-tan, husi loron 9 fulan Agostu sai husi Bobonaro ba Alto Lebos,  Maukatar to’o Suai Vila. Hafoin almosu iha Suai Loro no kontinua la’o   ba Zumalai, Casa, Hato-udu, Same, Betanu  kari ai-funan  iha  Monumentu Dom Boaventura, hafoin sei konsentra iha  Konsellu Veteranus no Ministeiru Veteranus sira hodi komemora loron FALINTIL iha rejiaun 3 .

“Betanu iha ne’ebá , atividade solidaridade no kulturál, kontinua husi rejiaun 3 ba rejiaun 2 ne’e, iha loron 10 Agostu sai husi Betanu ba Cararas no  konsentra iha Cararas, atividade  hanesan solidaridade no kulturál. Cararas kontinua ba parte Leste Uatolari, ne’e iha 11 Agostu to’o iha Uatolari sei kari ai-funan hotu han meiudia,  depois kontinua ba   Iliomar”, esplika Xefe Estadu Maiór F-FDTL, Koronél Calisto Santos Coli ‘Coliati’.

“Iha Iliomar, ita sei konsentra hamutuk ho Konsellu Veteranus no Ministru Veteranus hodi hala’o atividade komemora 20 agostu iha rejiaun 1, kuaze atividade hanesan ho sub-distritu sira seluk. iha loron   12 Agostu sei kontinua ba Lospalos to’o  iha Poros, Tutuala. Husi loron 13 agustu sai husi Poros ba Díli no inseramentu atividade Tour FALINTIL ne’e iha Díli”. Dehan Xefe Estadu Maiór F-FDTL, Koronél Coliati. Flo

Leave a Reply

Your email address will not be published.