PNTL Díli Prontu Asegura Manifestasaun FUTL
Naunil Media (Díli), Komandante Polísia Nasionál Timor-Leste (PNTL) Munisipu Díli, Superintendente Xefe Henrique da Costa, deklara PNTL Díli prontu atu asegura asegura manifestasaun ne’ebé sei organiza husi Front Universitáriu Timor-Leste (FUTL) hasoru Ministériu Justisa.
“Manifestasaun ne’e la’os buat foun ida ba ita, ne’e ita halo beibeik ona, depois ita simu sira nia pedidu ita informa kedas ba iha Komandante Jerál, depois de Komandante Jerál haruka kedas ba iha komandante operasaun. Sira mos horseik hasoru malu ho porta-voz no komisaun orgamizadora”, Komandante PNTL Munisipu Díli, Superintente Xefe Henrique da Costa, ba jornalista iha Kampung Baru, Kumoro Sábadu (31/07).
Superintente Xefe Henrique da Costa, informa liu-tan PNTL desidi fatin ba FUTL atu halo manifestasaun, no sira viola regra sira ne’e mak PNTL sei hola desizaun.
“Sira intensaun manifestasaun, PNTL tenke halo seguransa para sira bele hato’o sira nian hanoin ne’e ba orgaun ne’ebé mak sira hakarak atu hato’o”, tenik Superintente Xefe Henrique da Costa.
Ikus-liu, Superintente Xefe Henrique da Costa, deklara prontu no preparadu atu fo seguransa ba manifestante sira, nune’e bele seguru ba sira nia aktividade. Pau
