Komandante Henrique : Díli Tenki Sai Fatin Seguru ba Ema Hotu

Fahe Tutan

Naunil Media (Díli), Komandante Polísia Nasionál Timor-Leste (PNTL) Munisipu Díli, Superintendente Xefe Henrique da Costa, deklara Díli nu’udar capital Nasaun nian tenki sai fatin seguru ba ema hotu-hotu atu halo movimentu.

“Krimi ne’ebé mak iha munisípiu Díli iha, ita hare kazu ofensas integradu fíziku mak númeru a’as-liu kompara ba kazu violénsia domestika”, Komandante PNTL Munisípiu Díli, Superintendente Xefe Henrique da Costa, ba jornalista sira hafoin vizta kortezia ba Instituto Ciências da Saúde (ICS), Miguel Quintão, iha Komoro Kanpung Baru, Sesta (31/07).

Durante vizita ba intitutu superiór  ICS, Superintendente Xefe Henrique da Costa, fahe informasaun kona-ba situasaun atual kapital Díli no husu ba estudante sira atu kria paz no estabilidade hodi kontribui ba dezenvolvimentu Nasaun Timor-Leste.

“Ha’u hato’o informasaun ba estudante sira hodi  sira bele hatene, nune’e sira   bele prevene-an husi problema”, informa Komandante PNTL Munisípiu Díli, Superintendente Xefe Henrique da Costa.

Superintendente Xefe Henrique da Costa, informa liu-tan durante ninia vizita, aleide atu partilla informasaun kona-ba situasaun atual, nia mos intruduz-án nu’udar komandante foun ba komandu PNTL Munisípiu Díli nian ba estrutura ICS ho estudante sira.    

“Ohin ha’u mai  vizita  Institutu Siénsia Saúde ho objetivu rua, ida mak atu introduz ha’u-nia án no programa  ba universidade. Bele  kuñese malu hodi komunikasaun di’ak ba malu, karik iha buat ruma ita bele informa ba malu”, haktuir Komandante Munisípiu Díli ne’e.

Ikus-liu Komandante PNTL Díli ne’e informa, membru PNTL iha Munisípiu Díli totál hamutuk nain 500, maibé membru ne’ebé ativu servisu hamutuk nain 400.

“PNTL Munisípu Díli labele servisu mesak, presiza kolaborasaun ho universidade sira atu bele ajuda PNTL haklaken  informasaun”, tenik Nia.

Aktividade ne’ebé hanesan, antes ne’e Komandante PNTL Munisípiu Díli, Superintendente Xefe Henrique da Costa, hala’o ona vizita ba Universidade sira seluk iha kapital Díli. Pau

Leave a Reply

Your email address will not be published.