Delegasaun OMK Iha Genebra Vizita Fatin Industria TL

Naunil Media (Díli), Diretora Asosiasaun Divizaun Organizasaun Komersiu Mundial (OMK) Maika Oshikawa informa,  Objetivu delgasaun hosi OMK mai iha Timor atu haree progresu industria produtu Timor nian hodi adere ba OMK.

“Liu hosi ami nia vizita ida ne’e  atu informa kona-bá progresu Timor-Leste nia Adejaun ba OMK no atu haree progresu Industria no produtu Timor-Leste, ne’ebé bele garante atu investe ba Rai liur, no hosi observasaun direta ne’e  sai hanesan buakae no imajen ida mai ami, hodi  ba halo fali Diskusaun iha Genebra/suisa”,dehan Maika Oshikawa  ba jornalista sira, kinta (14/07).

Nia hatutan, Relasiona ho loron hirak liu ba enkontru ona ho parseiru no partes relevantes sira no ohin kontinua atu vizita fatin komersiu sira atu oinsa dudu Timor nia komersiu ba oin.

Kordenadora Jerál Gabinete MCAE Guida Araujo Monteriu informa, Timor mós sei sai membru OMK iha tinan 2023 , no sira sei halo tranzisaun mai ita durante tinan hitu, hosi sira haree ba investimentu  hodi hatene katak saida mak ita sei presiza tan.

“Hanesan ita ohin haree ita-nia delegasaun sira hosi OMK nian sekretariádu iha Genebra,  sira nia vijita mai iha ne’e atu haree ita nia preparasaun ba OMK”, Tenik nia

Iha vizita ida-ne’e ita halo hosi sekretariádu ho MCAE ho ninia planu, lori sira mai vijita iha ita nia fatin potensial, no Industria hirak ne’ebé mak hala’o hela iha ita nia rain, ne’e atu sira mós hatene katak ita nian rain mós hahu ona iha investimentu ruma, dehan nia.

Hosi Delegasaun OMK ho nia komitivas tomak halo vizita ba fatin Industria sira mak hanesan be GOTA ne’ebé produs hosi Timoroan rasik, Heineken iha Hera, CCT kafe Timor iha Railaco, no Timor Global, iha Railaco, fatin Tuirzmu Ai parapa no mós fatin istóriku Muzeum Rezistensia, hodi sai hanesan imajen no ideia ida ba sira hodi bele ba halo diskusaun iha Genebra.

Iha seremonia Vizita ne’e partisipa hosi delegasaun OMK Asosiasaun ba Timor-Leste, Rui Macieira, ho nia membru Maika Oshikawa, Anna Varyianik, koordenara jerál Gabinete MCAE ho ho nia Estrutura tomak. Mj6