Derota Kontra Mau-Doko FC ho Score 2-1, UNITAL FC Rekuiñese Monu iha Fíziku
Naunil Media (Díli), Primeira Époka Liga Feto Timor-Leste (LFTL) 2020, treinadór UNITAL FC, Afónso Napoleão, hateten nia ekipa futeból derota kontra Mau-Doko FC ho score 2 versu 1, tanba fraka iha fíziku no tátiku.
“Ha’u nia jogador maioria fraku iha físziku no tékniku, tanba dadaun ne’e jogadora sira preokupa los sira nia eskola iha kampus no sira nia aktividade barak” treinadór UNITAL FC, Afónso Napoleão, ba jornalista sira hafoin nia ekipa kontra Mau-Doko FC, iha Kampu Demokrasia, Sábadu (01/08).
Treinadór UNITAL FC, Afónso Napoleão, promete sei hadi’ak faillansu no prepara ba jogu tuir hasoru ekipa ne’ebe deit.
Iha fatin hanesan, treinadór Mau-Doko FC, Felomino, orgulho ho vitória refere no sei kontinua prepara ba jogu tuir mai hasoru Baucau FC.
“Hau orgullu ba rezultadu ne’ebé ha’u nia ekipa manan tanba oferese ona golu rua ba ekipa UNITAL no tuir orariu hau nia ekipa ne’e sei hasoru Baucau FC iha semana oin”, teknik treinadór Filomeno.
Mau-Doko FC nia golu dahuluk akontese husi jogadora Fernada Junior Rangel ho númeru kamizola 25 iha menutu 21. Golu daruak akontese iha menutu 36 nafatin husi husi avansada jogadora Fernanda Junior Rangel.
UNITAL FC nia golu uniku akontese iha nemutu 55, liu husi jogadora Aida Maria Ruas ho númeru kamizola hitu. Jjf
