Arantes Louva Guro Berteni Hakerek Livru Biografia Proklamadór Francisco Xavier
Naunil Media (Manufahi), Administradór Munisípiu Manufahi (AMM), Arantes Isaac Sarmento, hateten hakerek nain Niceto Guro Berteni Neves livru biografia saudozu proklamadór Francisco Xavier do Amaral hanesan orgullu boot ba Timor oan liu-liu ba povu Manufahi.
“Istória ne’ebé mak hakerek iha livru ne’e hanesan orgullu bo’ot ida ba Timor no orgullu boot ida mós ba ami Manufahi”, Administrador Munisípiu Manufahi, Arantes Isaac Sarmento, liuhusi ninia diskursu, iha lansamentu ‘Livru biografia no Istróia moris Saudozu Proklamadór Francisco Xavier do Amaral’, iha suku Manumera, Postu Administrativu Turiskai, Kinta (03/12).
Autoridade Munisípiu ne’e hatutan, istória sira ne’e atu fó hanoin nafatin ba foinsa’e sira, labele haluha fundadór sira didika an ba rai TImor.
“Orgullu ne’ebé mak iha tenke la’o tuir dalan mak avo Xavier tau hela ba ita, atu tau iha ema ida-idak nian hanoin hodi dezenvolve rain ida ne’e ho diak”, Nia sujere.
Nia dehan, parte Manufahi oan nain tolu (3) mak didika an ba rain Timor hanesan avó Dom Boaventura, Fransisco Xavier Do Amaral, Fransisco Borça da Costa.
“Ohin, loron ita hodi goza indenpendénsia, maske sira laiha. maibé sira-nia espíritu hela nafatin ho ita”. tenik nia. Nfm
