Kazu Foun COVID-19 iha TL Ne’e Sidadaun Indonézia

Fahe Tutan

Naunil Media (Díli), Koordenadór Jerál Komisaun Ezekutivu Saúde ba Surtu COVID-19, Narcisio Fernandes,  informa kazu foun Surtu COVID-19 iha Timor-Leste (TL) ne’e mai sidadaun Indonézia no la’ós Timor oan.

“Ha’u hakarak infórma pasiente kazu pozitivu fóun COVID-19, sidadaun ne’e ema Indonézia nian mai husi Jawa Tengah, sexo mane ho idade 46”, Koordenadór Jerál Komisaun Ezekutivu Saúde ba Surtu COVID-19, Narcisio Fernandes, ba jornalista sira iha Palásiu das Sinzas, Kai-Koli, Tersa (4/08/).

Koordenadór Jerál Komisaun Ezekutivu Saúde ba Surtu COVID-19 ne’e, husu Ministériu Saúde (MS) husu ba komunidade sira labele pániku, maibe manten prevesaun hasoru virus global Surtu COVID-19.

“Husu ba komunidade sira hamutuk ho autoridade lokál iha aréa fronteiras nian atu kontrola komunidade sira ne’ebé tama ilegalmente husi rai ketan mai Timor, husu mos ba fasilidade públiku hanesan Merkadu, Eskola nomos uma orasaun sira nafatin manten medida preventivu husi Organizasaun Mundial Saúde (WHO-Sigla Inglesh)”, apela Koordenadór Jerál Komisaun Ezekutivu Saúde ba Surtu COVID-19, Narcisio Fernandes.

Sidadaun ne’ebé positivu COVID-19 ne’e tama mai Timor-Leste hahu husi loron 22  fulan Jullu, ekipa sira simu iha  fronteira  lori ba karantina Tasi-Tolu.

Sidadaun Indonesia ne’e hetan rezultadu positivu COVID-19, ekipa pilar seis tranfere kedas ba fatin izolamentu Vera Cruz, dadaun ne’e sidadaun positivu COVID-19 iha hela fatin izolamentu Vera Cruz. Emj2

Leave a Reply

Your email address will not be published.