FEATUREDIkus LiuNewsPolitika

KHUNTO La Konkorda Extende Estadu Emerjénsia

Fahe Tutan

Naunil Media (Díli), Bankada Partidu Khamanek Haburas Unidade Nasionál Timor Oan (KHUNTO), Deputadu António Verdiál, hateten lakonkorda atu alarga tan Estadu Emerjénsia, no Governu presija deit hala’o kna’ar tuir mandate Organizasaun Mundiál Saúde (WHO-Sigla Inglesh) atu prevene Surtu COVID-19 labele daet iha Timor-Leste.   

“Ha’u la konkorda atu alarga tan estadu emerjénsia, importante oinsa Governu mantein firme taka fronteira, nafatin kna’ar tuir mandatu ne’ebé mai husi Organizasaun Mundiál Sáude no Ministeriu Saúde”, Membru Bankada KHUNTO atual prezidente komisaun G, António Verdiál, ba jornalista sira iha Parlamentu Nasionál, Segunda (03/08).

Deputadu António Verdiál, sujere ba servisu seguransa PNTL no defeza F-FDTL atu mantein kolabora hodi garante ema illegal labele tama mai teritóriu Timor-Leste.  

“Nafatin fó apoiu ba PNTL no F-FDTL ne’ebé hein iha fronteira ne’ebá tanba sira mesak labele halo buat ida, importante liu mak servisu hamutuk ho autoridade lokál  no povu sira ne’ebé mak hela iha fronteira nune’e sira bele hein iha fronteira”, tenik deputadu António Verdiál.

Ikus-liu Deputadu ne’e afirma, tenke fó kontrolu máximu ba aréa fronteira sir, hanesan Bobonaro tenke taka tomak, tanba ne’e mak nafatin husu ba Governu servisu hamutuk hodi prepara planu no estratéjia. Ana

Leave a Reply

Your email address will not be published. Required fields are marked *